Ընդդիմության ճնշման արդյունքում զիջո՞ւմ. «Փաստ»

«Փաստ» օրաթերթը գրում է.

akcent.site-ը «Փաշինյանին սեղմե՞լ են. Հայաստանի ու Ղարաբաղի ձերբակալված քաղաքապետներին սկսել են ազատ արձակել քննչական մեկուսարաններից» վերնագրով հոդվածում գրում է, որ Հայաստանում անսպասելի «տաքացում» է, դատարանները մեղմացնում են կոռուպցիոն հանցագործությունների մեջ մեղադրվող քաղաքապետերի խափանման միջոցները։ Վանաձորի նախկին քաղաքապետ Մամիկոն Ասլանյանը, որը կալանավորվել էր դեռևս 2021 թվականին պաշտոնեական լիազորությունները չարաշահելու և պաշտոնեական կեղծիք կատարելու մեղադրանքով, գրավի դիմաց ազատ է արձակվել։ Ասլանյանը պաշտոնանկ արվեց և կալանավորվեց համայնքի ղեկավարի ընտրության նախօրեին, երբ նա պետք է վերընտրվեր, արդյունքում նա մոտ 3 տարի է անցկացրել քննչական մեկուսարանում։

Նախաքննական կալանքի փոխարեն Ստեփանակերտի նախկին քաղաքապետ Դավիթ Սարգսյանը և Մարտակերտի նախկին քաղաքապետ Միշա Գյուրջյանը տնային կալանքի են ենթարկվել։ Սարգսյանը մեղադրվում է խարդախության ու փաստաթղթերի կեղծման մեջ, իսկ Գյուրջյանը՝ խարդախության մեջ։ Ըստ քննիչների, Մարտակերտի նախկին քաղաքապետը Հայաստան է բերել մի մեքենա, որը գտնվում էր քաղաքապետարանի հաշվեկշռում։ Վերջին ամիսներին Լեռնային Ղարաբաղի ևս մի քանի նախկին համայնքապետներ են ձերբակալվել։ Ասկերանի նախկին քաղաքապետ Հայկ Շամիրյանը տնային կալանքի է ենթարկվել, իսկ Ասկերանի նախկին քաղաքապետ Վարդան Գրիգորյանը բերման էր ենթարկվել, սակայն հետո ազատ արձակվել։ Չի կարելի բացառել հայկական հետաքննության վրա քաղաքական ճնշումների հնարավորությունը, վստահ են akcent.site-ի փորձագետները։

Ի վերջո, քաղաքապետների ձերբակալությունները Հայաստանում լայն հասարակական ընդվզումներ են առաջացնում։ Նիկոլ Փաշինյանին մեղադրում են կոռուպցիայի դեմ պայքարի քողի տակ ԼՂ նախկին ղեկավարների հետ հաշիվներ մաքրելու մեջ։ Այնպես որ, կանխարգելիչ միջոցառումների մեղմացումը իշխանությունների կողմից կարող է դիտվել որպես ընդդիմության ճնշման արդյունքում զիջում:

Մանրամասները՝ «Փաստ» օրաթերթի այսօրվա համարում