Մխիթարյան. Նախորդ մրցաշրջանից հետո չէի սպասում, որ Տուխելին կհաջողվի վերադարձնել ինձ նախկին խաղամակարդակին

Հայաստանի հավաքականի եւ Դորտմունդի «Բորուսիայի» կիսապաշտպան Հենրիխ Մխիթարյանը ընթացիկ մրցաշրջանում իր ելույթների, գլխավոր մարզիչ Թոմաս Տուխել հետ հարաբերությունների, նախորդ մրցաշրջանի եւ ընդհանրապես «Բորուսիայի» մասին պատմել է գերմանական «Deutsche Welle» հեռուստառադիոընկերության հետ զրույցում:

Ընթացիկ խաղաշրջանի 29 պաշտոնական խաղում Մխիթարյանը դարձել է 15 գոլի եւ 19 գոլային փոխանցման հեղինակ:

-Նախորդ մրցաշրջանի հետ համեմատ այս մրցաշրջանում, կարծես թե, ամբողջովին այլ տրամադրվածություն ունեք: Ինչպե՞ս է Ձեր գործերը:

-Այո, ճիշտ է: Վերջին մրցաշրջանում տրամադրությունը լիովին հակադարձ էր: Մենք հաճախ էինք պարտվում եւ դրությունը լարված էր: Սակայն այս խաղաշրջանում գործերը շատ ավելի լավ են ընթանում: Մենք լավ մարզավիճակում ենք եւ ցանկանում ենք շարունակել արդյունավետ ելույթները: Այնպես որ ես երջանիկ եմ: 

-Դուք դարձաք «Բորուսիայի» պատմության ամենաթանկարժեք նորեկը: Սակայն խաղադաշտում ամեն ինչ այդքան էլ հարթ չընթացավ: Ինչո՞ւ:

-Ոչ միայն իմ խաղը, այլեւ ողջ թիմինը չէր ստացվում: Յուրաքանչյուրը աշխատում էր, սակայն մենք չէինք կարողանում դրված նպատակների համար հավաքել անհրաժեշտ միավորներ: Առաջին շրջանից հետո մենք ընկել էինք մրցաշրջանային աղյուսակի անդունդը, ինչը սարսափելի էր մեզ համար: Երկրորդ շրջանում կարողացանք գտնել մեր խաղը եւ վաստակեցինք անհրաժեշտ միավորներ: Մեր բախտը մի քիչ բերեց եւ հայտնվեցինք Եվրոպա լիգայում: Այս տարի, կարելի է ասել, առաջին շրջանը լավ անկացրեցինք: Պայքարում ենք բոլոր ճակատներում՝ Գերմանիայի գավաթի խաղարկությունում, Բունդեսլիգայում, Եվրոպա լիգայում մրցելու ենք «Պորտուի» հետ: Ամեն ինչ կանենք, որպեսզի շարունակենք լավ ելույթները:

-Այս ամենը թիմի լավ խաղի արդյունք է, թե՞ ձեր վստահ խաղի:

-Իհարկե, կարծում եմ, որ հրաշալի է՝ կարողանում եմ բազմաթիվ գոլեր եւ գոլային փոխանցումներ հեղինակել: Սակայն ոչ միայն ես, այլեւ՝ ողջ թիմը հիասքանչ է խաղում: Այս մրցաշրջանում արդյունքները կարող են իսկապես տպավորիչ լինել:

- Ընթացիկ մրցաշրջանի խաղերում ավելի շատ գոլային փոխանցումներ եւ գոլեր եք խփել, քան անցած ողջ մրցաշրջանի ընթացքում: Ձեզ խաղում փոփոխությունը ձեզ գոհացնո՞ւմ է: Ինչպե՞ս եք մեկնաբանում ձեր խաղային աճը: 

-Պարզապես վերջին մրցաշրջանում այնքան էլ լավ չէի խաղում: Ողջ մրցաշրջանի ընթացքում խփել էի 5-6 գոլ եւ կատարել 7 գոլային փոխանցում: Այս խաղաշրջանում, հենց առաջին խաղերը, շատ կարեւոր էին ինձ համար, քանի որ կրկին վստահություն զգացի, որ կարող եմ գոլեր խփել եւ գոլային փոխանցումներ կատարել:

-Անցած մրցաշրջանի վերջնամասում քննարկվում էր Դորտմունդը լքելու հնարավոր տարբերակը: Սակայն հայտնվեց Թոմաս Տուխելը, տեղի ունեցավ այսպես կոչված «հանրահայտ հեռախոսզանգը»: Ճի՞շտ էր, որ նա խորհուրդ տվեց մնալ թիմում մինչ իր գլխավորությամբ առաջին մարզումը:

-Ես նրան առաջին անգամ հանդիպեցի մարտին եւ նա ինձ համոզեց թիմում մնալ: Ես նույնպես ցանկանում էի մնալ, քանի որ մարդկանց պետք է ապացուցեի, որ արժանի եմ այստեղ խաղալ:

-Ակնհայտ է, որ Թոմաս Տուխելը գիտեր՝ ինչպես բարձրացնել ձեր խաղամակարդակը: Վերջերս իր հետ զրուցեցինք Ձեր մասին, եւ նա իսկապես պատմեց դրական եւ հրաշալի մանրամասներ: Կարել՞ի է ասել, որ խաղացողի եւ մարզչի միջեւ յուրահատուկ հարաբերությունն են հաստատվել:

 

-Այո, իհարկե, մենք շատ լավ հարաբերությունների ենք  հաստատել, եւ ես երջանիկ եմ, որ նրա հետ աշխատելու հնարավորություն եմ ստացել: Նա ինձ առաջին հանդիպման ժամանակ ասեց, որ կկարողանա ինձ վերադարձնել ամենաբարձր խաղամակարդակի: Իսկապես, հենց սկզբից չէր հավատում, որ նա կկարողանա ինձ վերափոխել անցած անհաջող մրցաշրջանից հետո: Սակայն նրան հաջողվեց, եւ ես շատ շնորհակալ եմ:

 

Նա վստահություն է ներշնչում, որի կարիքն ունի ցանկացած խաղացող: Բոլոր ֆուտբոլիստների հետ զրուցում է եւ հաղորդակցվող թիմ է ստացվում: Նա շատ է խորհուրդներ տալիս: Ասում է, թե ինչն է լավ ստացվում, ինչը՝ ոչ: Իսկ երբ սկսում ես մտածել նրա խորհուրդների շուրջ, հասկանում ես, որ իրավացի է:

 

-Կկարողանա՞ Տուխելը եւս մեկ անգամ համոզել Ձեզ՝ մնալ ակումբում:
 

-Ինչո՞ւ ոչ: Նրան մեկ անգամ արդեն հաջողվել է: Ինչու պետք է չստացվի երկրորդ անգամ:

 

-Քանի որ կրկին շշուկներ կան, որ դուք կարող եք լքել ակումբը…

 

-Ոչ, դրանք միայն շշուկներ են:

 

-Ի՞նչ եք կարծում՝ «Բորուսիային» ինչ է սպասվում երկրորդ շրջանում: Դուք ի՞նչ սպասելիքներ ունեք:
 

-Ցանկանում եմ տեսնել թիմին ամենավերեւում: Իհարկե, մեր ցուցադրած խաղով արժանի ենք նվազագույն երկրորդ հորիզոնականի: Մենք պայքարելու ենք, որ կրկին հայտնվենք Չեմպիոնների լիգայում: Ցանկանում ենք հասնել մինչ Գերմանիայի գավաթի եզրափակիչ, իսկ Եվրոպա լիգայում որքան հնարավոր է առաջ գնալ: