«Ամռանը ընտանիքով պլանավորում ենք գնալ Կիպրոս». Իրինա Թովմասյան

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Tert.am Life-ի բլից հարցերին այս անգամ պատասխանել է հաղորդավարուհի, «Միսս Հայաստան 2001» Իրինա Թովմասյանը:

- Ո՞րն է Երևանում Ձեր ամենասիրելի հատվածը:

- Իմ մանկության տան բակն է՝ Կոմիտասում:

- Ավելի շատ նեղանո՞ւմ եք, թե նեղացնում:

- Փորձում եմ երբևէ չնեղացնել ու չնեղանալ:

- Ֆոբիաներ, վախեր ունե՞ք:

- Վախ առաջացել է երեխաներիս ծնվելուց հետո: Երբ երեխաներս բարձր տեղ են կանգնում, վախենում եմ:

- Ինչի՞ց եք նյարդայնանում:

- Խցանումներից, բայց փորձում եմ զբաղվել մեքենայի մեջ, որ ժամանակն արդյունավետ անցնի:

- Ամառային հանգիստը որտե՞ղ եք պլանավորում:

-Դեռ ձմռանն եմ պլանավորում ամառային հանգիստը, որ արժեքով ավելի հարմար լինի: Այս ամառ ուզում ենք ընտանիքով գնալ Կիպրոս: Բայց այս ընթացքում գործնական հետաքրքիր առաջարկներ էլ եղան, որոնց մասին դեռ չեմ բարձրաձայնի, բայց շատ գեղեցիկ վայր է, որտեղ ես չեմ եղել: Կարծում եմ՝ ես ու ամուսինս կմեկնենք:

- Հանգիստ ընտանիքի՞ հետ, թե՝ ընկերների:

- Բնականաբար ընտանիքի:

- Ձեր մանկության երազանքը:

- Այն է, ինչ հիմա ունեմ: Միշտ պատկերացրել եմ համերաշխ, ընտանեկան հանգիստ մթնոլորտ:

- Ի՞նչ փոխեց Ձեր կյանքում հայտնի դառնալը:

- Ոչինչ չփոխվեց, բացի նրանից, որ ավելացավ պատասխանատվության զգացումը:

- Ի՞նչ տիպի մարդկանց հետ չեք շփվի ընդհանրապես:

- Մարդկանց հետ, ովքեր էներգիա են խլում:

Փորձում եմ խուսափել հանդիպումներից: Մեր շուրջ հիմա այնքան շատ է բացասականը, դրա համար ինձ համար կարևոր է դրական մարդկանց հետ շփվել:

- Ձեր բնավորության ո՞ր գիծը կփոխեիք հնարավորության դեպքում:

- Ինձ երբեմն ասում են չափից շատ բարի ես: Կուզեմ՝ ոչինչ էլ չփոխվի իմ մեջ, երեխաներիս մեջ էլ տեսնեմ նույն հատկանիշները: Ապրում եմ այնպես, որ ոչ ոքի չվնասեմ, չվիրավորեմ: Եթե իմ բարության պատճառով կարող եմ տուժել, միևնույն է, հազար անգամ էլ նույն ճանապարհը կընտրեմ, որովհետև ինձ լիարժեք եմ զգում այնպես, ինչպես ապրում եմ: