«Ռեալ»-ն անցած մրցաշրջանի ամենաեկամտաբեր ակումբն է

 Մադրիդի «Ռեալ»-ը  Deloitte-ի անցկացրած հաշվարկների արդյունքում ճանաչվել է նախորդ մրցաշրջանի ամենաեկամտաբեր ակումբ: Ւնչպես հաղորդում է «Արմենպրես»-ը, այս մասին հայտնել է BBC-ին:

2014/15 մրցաշրջանում «Ռեալ»-ի եկամուտները կազմել են 577 միլիոն եվրո : Մադրիդի թիմը 11-րդ տարին անընդմեջ գլխավորում է այդ ցուցակը: Երկրորդ տեղում  կատալոնական «Բարսելոնա» -ն է, որի եկամուտը  կազմում է 560,8 միլիոն եվրո: Գերմանական Դորտմունդի «Բորուսիա»-ն, որտեղ հանդես է գալիս Հայաստանի ազգային հավաքականի կիսապաշտպան Հենրիխ Մխիթարյանը, ամենաեկամտաբեր ակումբների ցանկում զբաղեցնում է 11-րդ հորիզոնականը:  Գերմանական թիմի եկամուտը կազմել է 280,6 միլիոն եվրո:

Ներկայացնում ենք ամենաեկամտաբեր ակումբների տասնյակը.

1. «Ռեալ» (Իսպանիա) – 577 միլիոն եվրո

2. «Բարսելոնա» (Իպանիա) – 560,8 միլիոն եվրո

3. «Մանչեսթեր Յունայթեդ» (Անգլիա) – 519,5 միլիոն եվրո

4. ՊՍԺ (Ֆրանսիա) – 480,8 միլիոն եվրո

5. «Բավարիա» (Գերմանիա) – 474 միլիոն եվրո

6. «Մանչեսթեր Սիթի» (Անգլիա) – 463,5 միլիոն եվրո

7. «Արսենալ» (Անգլիա) – 435,5 միլիոն եվրո

8. «Չելսի» (Անգլիա) – 420 միլիոն եվրո

9. «Լիվերպուլ» (Անգլիա) – 391,8 միլիոն եվրո

10. «Յուվենտուս» (Իտալիա) – 323,9 միլիոն եվրո