Հայ ծանրորդները կմասնակցեն Նորվեգիայում կայանալիք Եվրոպայի առաջնությանը

 Հայ ծանրորդները ապրիլի 8-16-ը կմասնակցեն Նորվեգիայում կայանալիք Եվրոպայի առաջնությանը: Ինչպես «Արմենպրես»-ի հետ զրույցում ասաց, ծանրամարտի Հայաստանի հավաքականի գլխավոր մարզիչ Փաշիկ Ալավերդյանը, Եվրոպայի առաջնությանը հնարավոր է մասնակցել 8+7 ձեւաչափով՝ 8  տղամարդ եւ 7 կին: Սակայն Հայաստանի հավ աքականից առաջնությանը կմասնակցի 8 տղամարդ եւ 4 կամ 5 կին:

«Եվրոպայի առաջնությունը գլխավոր ու հիմնական ստուգատեսն է, որից հետո պարզ կդառնա թե հատկապես որ մարզիկները կմեկնեն Ռիո- 2016 օլիմպիական խաղերին»,- ընդգծեց հավաքականի գլխավոր մարզիչը:

Նրա դիտարմամբ, որ հայ ծանրորդներն արդեն ձեռք են բերել առավելագույն քանակությամբ ուղեգրեր՝ թե տղամարդկանց, թե կանաց մրցաշարերում:

Անդրադառնալով օլիմպական խաղերից հայ ծանրորդներից  ակնկալիքներին, հավաքականի գլխավոր մարզիչը նշեց.  «Վատ է այն զինվորը, ով չի ձգտում դառնալ գեներալ: Մենք ձգտելու ենք առավելագույնին, սական եթե մեր մարզիկները կարողանան ցոյց տալ իրենց լավագույն արդյունքը՝ լիովին բավարված կլինենք»:

Նշենք, որ ներկայումս հայ ծանրամարտիկերը ուսումնամարզական հավաք են անցկացնում: Ծաղկաձորում: Այն մեկնարկել է  հունվարի 15-ին կավարտվի հունվարի 31-ի: Այնուհետեւ հավաքները կշարունակվեն Աբովյանում:  Փետրվարի 14-ին կմեկնարկի ծանրամարտի Հայաստանի առաջնությունը: Վերջինիս մասնակցության հայտ կարող են ներկայացնել ոչ ավելի քան 130 մարզիկներ եւ մարզիչներ՝ Հայաստանի տարբեր մարզադպրոցներից:

Առաջնությանը կհաջորդեն ուսումնամարզական հավաքները Ծաղկաձորում, ապա նաեւ Կազանում:

Տարին հագեցածէ լինելու նաեւ երիտասարդական հավքականի համար: Երիտասարդները հունսի 24-ից հուլիսի 4-ը կմեկնեն Թբիլիսի՝ մասնակցելու Աշխարհի երիտասարդական առաջնությանը: