Ովքեր են Հայաստանի ամենահարուստ կին պաշտոնյանները. լուսանկարներ

Wnews.am-ը գրում է.

Հայ հասարակությունում ղեկավար կանանց թիվն օրեցօր ավելանում է. նրանք խելացի են, կարողանում են անկախ որոշումներ կայացնել, համարձակ են եւ ինքնավստահ։ Նրանցից շատերի ունեցվածքը գերազանցում է իրենց ամուսինների կարողությանը։

Ովքեր են հայ ամենահարուստ կին պաշտոնյաները. Wnews.am-ն առաջարկում է ծանոթանալ նրանց ունեցվածքին ըստ իրենց կողմից ներկայացրած հայտարարագրի.

Ռաիսա Վարդանյանը 2013 թվականից  Հայաստանն է ներկայացնում Վիետնամի Սոցիալիստական Հանրապետությունում։

Տիկին Վարդանյանը ամենահարուստ հայ կին դեսպանի համբավ է ձեռք բերել:

Ռաիսա Վարդանյանը հայտարարագրել է երեք բնակարան, որոնցից մեկը 34 մլն 800 հազար, մյուս երկուսից յուրաքանչյուրը 40,800,000 դրամ արժողության։

Նրա դրամական միջոցները կազմում են 150 մլն 468 հազար դրամ, 1 մլն 354 հազար դոլար, 769 հազար 820 եվրո։

Նրա տարեկան եկամուտը կազմում է 35,608,890 դրամ։

Ուժեղ կնոջ եւս մեկ վառ օրինակ է ՀՀ սփյուռքի նախարար Հրանուշ Հակոբյանը։ Նա եւս դասվում է ամենահարուստ կին պաշտոնյաների թվին։

Հրանուշ Հակոբյանը հայտարարագրել է 31 մլն 42 հազար դրամ,21 հազար 827 եվրո, 26 հազար 881 դոլար։

Տիկին Հակոբյանի տարեկան եկամուտը կազմում է 10 մլն 442 հազար դրամ։

ԱԺ փոխնախագահ Հերմինե Նաղդալյանը եւս աչքի է ընկնում իր հարուստ ֆինանսական միջոցներով։

Նրա դրամական միջոցները կազմում են 35 մլն դրամ եւ 5,000 դոլար։ Տիկին Նաղդալյանը հայտարարագրել է նաեւ երկու բնակարան Երեւանում,4 հողամաս եւ 2 շինություն: Նրա տարեկան եկամուտը կազմում է 347 մլն 724 հազար դրամ։

ԱԺ պատգամավոր Մարինե Մարաբյանը, ում մասին տեղեկությունները շատ չեն եւ նա հանդես չի գալիս հրապարակային ելույթներով կամ ասուլիսներով, եւս հարուստ կին պաշտոնյաների թվում է։

Նա հայտարարագրել է 23 մլն դրամ եւ 132 հազար դոլար։

Մարինե Մարաբյանի տարեկան եկամուտը կազմում է 4 մլն 560 հազար դրամ։

Սահմանադրական դատարանի անդամ Արեւիկ Պետրոսյանը եւս դասվում է հարուստ պաշտոնյա կանանց թվին։

Նա հայտարարագրել է 46 մլն դրամ եւ 3,500 դոլար։ Արեւիկ Պետրոսյանի տարեկան եկամուտը կազմում է 9 մլն 957 հազար դրամ։

Հայ ամենահարուստ կին պաշտոնյաների թվին է դասվում նաեւ Երեւանի ավագանու անդամ Նաիրա Նահապետյանը, ով նաեւ գործարար է եւ հանդիսանում է Հայաստանում Փոքր ՀԷԿ–երի Միության նախագահը:

Նաիրա Նահապետյանի ֆինանսական միջոցների մասին տեղեկատվություն առկա չէ, սակայն, վստահ ենք, որ նրա ունեցվածքը համեստ չէ։