Փաշինյանի հակառուսական քաղաքականությունը հասավ տուրիզմի ոլորտին

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

 

2024 թվականի մարտին զբոսաշրջության և հյուրընկալության ոլորտի MITT միջազգային ցուցահանդեսը կանցկացվի 3-րդ անգամ։ Այն վաղուց արդեն ճանաչվել է Ռուսաստանի մարզերի և աշխարհի տարբեր երկրների մասնագիտական ​​հանրության կողմից որպես արդյունավետ b2b միջոցառում` զբոսաշրջության և հյուրընկալության ոլորտում բիզնես խնդիրների լուծման համար:  MITT 2023-ին մասնակցել են 768 ընկերություններ 21 երկրներից և Ռուսաստանի 57 շրջաններից, այդ թվում՝ տուրօպերատորներ և տուրիստական ​​գործակալություններ, ազգային զբոսաշրջության գրասենյակներ, տարածաշրջանային զբոսաշրջության վարչակազմեր, զբոսաշրջային տուրօպերատորներ, հյուրանոցներ և կացարաններ և ոլորտի այլ ներկայացուցիչներ: Ցուցահանդեսը ներկայացրել է նոր բաժիններ՝ գլեմփինգ, դիզայներական տուրիզմ, HoReCa, առողջապահական և բժշկական տուրիզմ։ Նախորդ տարի Հայաստանը չմասնակցեց տուրիստական այս ամենահեղինակավոր համաժողով-ցուցահանդեսներից մեկին` որպես պատճառ նշելով այն, որ մեկ շաբաթվա ընթացքում չեն հասցրել Բեռլինից, որտեղ անց էր կացվում մեկ այլ ցուցահանդես, մեկնել Մոսկվա: 

Ուշագրավը, սակայն, այն է, որ Հայաստանն այս տարի ևս առանց որևէ հիմնավորման չի մասնակցում Մոսկվայում անցկացվող  MITT միջազգային ցուցահանդեսին: Եվ սա մի դեպքում, երբ դեպի Հայաստան ուղևորափոխադրումների 50 տոկոսը բաժին է ընկնում հենց ՌԴ-ին: Մի դեպքում, երբ իշխանություններն իրենց առջև խնդիր էին դրել տուրիզմի 319 տոկոս աճ արձանագրեն, ինչն, իհարկե, չիրականացավ: 2023թ. Հայաստան ժամանած զբոսաշրջիկների թվով առաջին տեղում Ռուսաստանն էր՝ 52 տոկոս: Երկրորդ տեղում Վրաստանն է` 12 տոկոս, երրորդում Իրանը` 6 տոկոս, ապա ԱՄՆ-ն է՝ 1 տոկոս, Ուկրաինան, Հնդկաստանը, Ֆրանսիան, Գերմանիան, Բելառուսը: 

Ինչպես տեսնում ենք՝ նախորդ տարի Հայաստան ժամանած զբոսաշրջիկների կեսից ավելին հենց ՌԴ-ից էին, ոչ թե Բեռլինից, կամ դիցուք՝ Բալիից կամ Ինդոնեզիայից: Այդքան հեռուներ հասնելու ժամանակ հայկական տուրիզմի պատասխանատուներն ունեն, սակայն չեն կարող 3 ժամ ճանապարհ կտրեն և իրապես նպաստեն ոլորտի զարգացմանը՝ գտնելով նոր գործընկերներ, Հայաստանը հավուր պատշաճի ներկայացնելով այն շուկայում, որտեղ որ իսկապես հետաքրքրված են մեր երկրով: Ինչպես երևում է՝ Փաշինյանի կառավարության հակառուսական քաղաքականությունը հասել է նաև տուրիզմի ոլորտին և սա հերթական բաց թողնված հնարավորությունն է զարկ տալու այս կամ այն բնագավառին: