Ինչ կարող է ասել Ձեր մասին Ձեր հոնքերի ձևը

Ձեր հոնքերի ձևն ինչ կարող է ասել Ձեր մասին: Այսպիսով՝ իդեալական են համարվում լայն, երկար հոնքերը: Հոնքերի ձևը, գույնը, թավությունը նշանակում են ապրումների, խելքի ու բնավորության հավասարակշռվածություն: Կոշտ, ստևանման հոնքերը վկայում են հակառակը: Դիմագետների կարծիքով, հոնքերն արտահայտում են փոխհարաբերությունները մերձակա շրջապատի հետ:

Հոնքերի հաճելի ձևը նշան է, որ դրանց տերը հաշտ ու համերաշխ է շրջապատողների հետ:

Երբ թավ հոնքերի արտաքին ծայրերը սուր-սուր ցցվում են վեր, ասում են, որ դա նշան է շռայլ հոգու և արիության: Այդպիսի մարդուն համարում են հաջողության համար ծնված:

Հոնքերի ցած իջնող արտաքին ծայրերը վեր են հանում ամոթխածությունը: Իսկ երբ այդպիսի հոնքերի ձևն ու գույնը թվում են անկենդան, համարվում է, որ դա ներքին եռանդի սպառումից է:

Եթե տղամարդն ունի հարթ ու երկար հոնքեր, և այդ հոնքերը հաճելի մաշկի ֆոնի վրա են, ապա նա խելացի մարդու համբավ ունի: Նման հոնքերով կինը համարվում է պչրուհի, նրանից ամեն ինչ կարելի է սպասել:

Կարճ հոնքերը միշտ հակառակն են նշանակում: Սակայն կարճ, բայց թավ հոնքերը նախազգուշացնում են բռնկվող խառնվածքի մասին:

Եթե հոնքերը թավ են ու ստևանման, ապա դրանց տերը «դիվային» խառնվածք ունի: Ստևանման հոնքերը միշտ մատնանշում են ըմբոստություն, համառություն, անհամաձայնություն:

Թավ, հաստ, միացած հոնքերն արտահայտում են իշխելու անկասելի ձգտում:Այդպիսի հոնքերով կինը ուժեղ բնավորության տեր է, նա հարմար չէ տանտիկնոջ ավանդական դերին:

Բարձր հոնքերը նպատակասլացության նշան են, իսկ չափազանց ցածր հոնքերը վկայում են հակառակը: