Քերոբյանը՝ դաս բոլոր ՔՊ-ականների համար

Հայաստանի էկոնոմիկայի արդեն նախկին նախարար Վահան Քերոբյանի հետ կատարվողը պետք է դաս լինի «Քաղաքացիական պայմանագիր» կուսակցության բոլոր ներկայացուցիչների, Հայաստանի բոլոր պետական պաշտոնյաների համար, որոնց թվում է, թե կարող են Փաշինյանին քծնելով շարունակել պաշտոնավարել։

Ընդամենը նախօրեին պաշտոնից ազատված Քերոբյանին երեկ կանչել են քննչական կոմիտե, մի քանի ժամ շարունակ հարցաքննել, ապա և մեղադրանք առաջադրել։ Փաստաբան Տիգրան Եգորյանն էլ հայտարարել է, թե Քերոբյանին կալանավորելու միջնորդություն է ներկայացվել դատարան։ Ամենայն հավանականությամբ միջնորդությունը կբավարարվի և շուրջ երեք տարուց ավելի էկոնոմիկայի նախարարի պաշտոնը զբաղեցրած Քերոբյանը կհայտնվի ճաղերի ետևում։ Մինչդեռ ժամանակին հաջողակ գործարար էր և կյանքում շատ ավելիին էր հասել, քան նույնիսկ Փաշինյանը և նրա ցանկացած թիմակից։

Ընդհանրապես, Քերոբյանը հրաշալի օրինակ է, թե ինչպես է Փաշինյանը վարվում սեփական թիմակիցների նկատմամբ՝ չխնայելով ոչ-ոքի։ Նույն այս գործի շրջանակներում, հիշեցնենք, կալանավորել էին Ալեն Սիմոնյանի եղբոր կնոջը, որին մի քանի օր ճաղերի ետևում պահելուց հետո ազատ արձակեցին՝ նախապես ցուցմունքներ կորզելով հայտնի մի գործարարի դեմ։

ՔՊ մեր աղբյուրի փոխանցմամբ Քերոբյանի և այս գործով մյուսների դեմ իրականացվող արշավը մտահոգել է նույնիսկ իշխող կուսակցության ներկայացուցիչներին, որոնք արդեն սկսում են հասկանալ իրենց գլխի գալիքը։

Նիկոլ Փաշինյանը սեփական իշխանությունը երկարաձգելու, մեկ օր ավելի կառավարելու համար կարող է փուռը տալ յուրաքանչյուր թիմակցի՝ առանց բացառության։ 

Ժաննա Մուրադյան