Ինչպես մի քանի րոպեում Facebook-ից թաքցնել ձեր մասին ողջ տեղեկությունը

Սոցցանցերն իրենց օգտատերերի սովորույթների ու կյանքի մասին ավելի շատ բան գիտեն, քան նրանց ծնողները կամ անգամ ամուսինները: Դա այնքան էլ հաճելի փաստ չէ, քանի որ ողջ տեղեկությունը հասու է ոչ միայն գովազդատուներին, այլև ձեր մրցակիցներին ու չարակամներին: Շատերի կյանքում լինում են իրավիճակներ, երբ հարկավոր է որոշ ժամանակով անհետանալ հրապարակային տիրույթից ու ստվերում հայտնվել:

Facebook-ում չկա ներդրված հնարավորություն ջնջել բոլոր գրառումներն ու լուսանկարները, սակայն դրանք հնարավոր է որոշ ժամանակահատվածով թաքցնել կողմնակի աչքերից:

Past.am-ը ներկայացնում է բացառիկ մանրամասներ՝ ինչպես մի քանի րոպեում Facebook-ից թաքցնել ձեր մասին ողջ տեղեկությունը:

Նախ՝ հարկավոր է գտնել կողպեքի տեսք ունեցող կոճակը վերևի աւ անկյունում ու մենյուն բացվելուց հետո սեղմեք «Նայել մյուս կարգավորումները» կոճակը:

Հայտնվում եք «Կոնֆիդենցիալության կարգավորումներ ու գործիքներ» մենյուում: Գտեք «Ո՞վ կարող է տեսնել ձեր հրապարակումներն ապագայում» կետը ու ընտրեք «Միայն ես»:

 

Հաջորդ քայլը նախորդ գրառումները թաքցնելն է: Դրա համար սեղմեք «Սահմանափակել մատչումը նախկին հրապարակումներին» կոճակը ու հաստատեք գործողությունը: Այդկերպ, ձեր նախորդ գրառումները տեսանելի կլինեն միայն ձեր ընկերներին:

Սահմանափակեք այն մարդկանց թիվը, որոնք կարող են ձեզ ընկերության հայտն ուղարկել: Հիմա դա կարող են անել միայն ընկերների ընկերները:

Թողնում ենք հնարավորություն կապվել միայն ընկերների հետ: Անջատեք ձեզ էլ. փոստի հասցեով գտնելու հնարավորությունը:

Նույնը պետք է անել հեռախոսի համարի հետ: