Սուրբ գիրքն ամեն օր

Հիսուսի Գալիլեա հասնելու երրորդ օրը Կանա քաղաքում մի հարսանիք կար, և Հիսուսի մայրն այնտեղ էր: Հարսանիքին հրավիրվել էին նաև Հիսուսը և նրա աշակերտները: Երբ գինին պակասեց, մայրը Հիսուսին ասաց.

-Գինի չունեն:

-Մա՛յր, մե՛զ ինչ,- պատասանեց Հիսուսը,- իմ ժամանակը դեռ չի հասել:

Սակայն նրա մայրն ասաց սպասավորներին.

-Նա ինչ որ ասի ձեզ, արե՛ք:

Հրեաների ծիսական մաքրության սովորույթի համաձայն, այնտեղ կային քարե վեց կարասներ, որոնցից յուրաքանչյուրն ութսունից հարյուր լիտր տարողություն ուներ: Հիսուսն ասաց սպասավորներին.

-Այդ կարասները ջրո՛վ լցրեք:

Եվ սպասավորները լցրին բերնեբերան: Հետո ասաց նրանց.

-Հիմա վերցրե՛ք և սեղանապետի՛ն տարեք:

Եվ նրանք տարան: Սեղանապետը համտես արեց գինու փոխված ջուրը, բայց չիմացավ, թե որտեղից էր. թեև սպասավորները, որոնք լցրել էին ջուրը, գիտեին այդ: Այն ժամանակ սեղանապետը փեսային ասաց.

-Ամեն մարդ նախ ընտիր գինին է մատուցում, իսկ երբ մարդիկ հարբում են, այն ժամանակ` հասարակը, այնինչ դու մինչև հիմա պահել ես ընտիր գինին:

Հիսուսն իր առաջին հրաշքը կատարեց Գալիլեայի Կանա քաղաքում:

Այնտեղ նա հայտնեց իր փառքը, և աշակերտները հավատացին նրան:

(Հովհաննեսի ավետարան 2:1-11)