ՊԱՏՄՈՒԹՅԱՆ ԱՅՍ ՕՐԸ (16 ՀՈՒՆՎԱՐԻ). Հերթական ցույցը կառավարության առջև. «Փաստ»

«Փաստ» օրաթերթը գրում է.

ՏՈՆԵՐ ԵՎ ՀԻՇԱՐԺԱՆ ՕՐԵՐ

Բիթլզի համաշխարհային օր, Իսրայել՝ Դրոշի օր կամ Դավթի աստղի օր։

ՀԱՅ-ՀԱՅԱՍՏԱՆ

1894 - ծնվել է բանաստեղծ Մատթեոս Զարիֆյանը:

1910– ծնվել է առակագիր, բանաստեղծ, դրամատուրգ, թարգմանիչ Արշավիր Դարբնին:

1921- Հայաստանի կոմկուսի Երևանի կազմակերպության առաջին կոնֆերանսում կուսակցության Երևանի քաղկոմի քարտուղար է ընտրվել Աղասի Խանջյանը:

1924- Երևանի նախկին պարետային վարչության հրապարակը վերանվանվել է Լենինի անունով (այժմ՝ Հանրապետության հրապարակ):

1969- կայացել է Հայաստանի մշակույթի աշխատողների առաջին համագումարը:

1972 –վախճանվել է ամերիկահայ դերասան, դաշնակահար Ռոս Բաղդասարյանը:

1989– Մոնթե Մելքոնյանը Ֆրանսիայում ազատվել է բանտից, որտեղ նա հայտնվել էր իբր ահաբեկչություն կազմակերպելու մեղադրանքով:

2002-նախագահ Ռոբերտ Քոչարյանի հրամանագրով նորաստեղծ Քաղաքացիական ծառայության խորհրդի նախագահ է նշանակվել Ազգային ժողովի «Միասնություն» խմբակցության անկուսակցական պատգամավոր Մանվել Բադալ յանը:

2006-ՄԱԿ-ի Պարենի և գյուղատնտեսության կազմակերպությունը (FAO) զգուշացրել է, որ թռչնագրիպը կարող է արդեն դուրս եկած լինել Թուրքիայի սահմաններից, և հորդորել է Հայաստանին, Իրանին, Իրաքին եւ Սիրիային՝ խստացնել կանխարգելիչ միջոցառումները:

2007-վախճանվել է Իսրայելի Քնեսետի պատգամավոր, Իսրայել - Հայաստան խորհրդարանական խմբի երկարամյա ղեկավար Յուրի Շտեռնը:

2008- ամփոփվել է «Հայկական երկաթուղի» ընկերությունը կոնցեսիոն կառավարման հանձնելու մրցույթը, որը շահել է «Ռուսաստանի երկաթուղիներ» ընկերությունը:

2020-կառավարության դիմաց ցույցի հավաքված անասնապահները բողոքել են հունվարի 15-ից մորթը միայն սպանդանոցներում իրականացնելու կառավարության որոշման դեմ։

ԱՇԽԱՐՀ

մ.թ.ա. 27 – Գայոս Օկտավիանոսը Հռոմի Սենատի կողմից ստացել է «Օգոստոս» կոչումը՝ դառնալով Հին Հռոմի առաջին կայսրը:

929 -Կորդովայի էմիր Աբդ-ար-Ռահման 3-րդը, ստանալով խալիֆի կոչում, Կորդովան հայտարարել է անկախ խալիֆայություն:

1547– թագադրվել է ամենայն Ռուսիո առաջին ցար Իվան 4-րդ Ահեղը:

1581 - Անգլիայի խորհրդարանը կաթոլիկությունը հայտարարել է օրենքից դուրս:

1605 - Մադրիդում լույս է տեսել Միգել Սերվանտեսի «Դոն Քիշոտ» վեպը:

1675 -ծնվել է ֆրանսիացի քաղաքական գործիչ և պատմագիր Լուի դե Ռուբրուգա Սեն-Սիմոնը:

1728 –ծնվել է իտալացի կոմպոզիտոր Նիկոլո Պիչինին:

1780 –Ջորջ Ռոդնիի ղեկավարած անգլիական նավատորմը, Սան-Վինսենթ հրվանդանի մոտ հաղթելով իսպանացիներին, ազատագրել է Ջիբրալթարը:

1794– վախճանվել է անգլիացի պատմաբան Էդվարդ Գիբբոնը:

806 -վախճանվել է ֆրանսիացի քիմիկոստեխնոլոգ Նիկոլ յա Լեբլանը, որը հայտնագործել է աղից կալցինացված սոդա ստանալու եղանակը:

1820 – ռուսաստանցի ծովագնաց Ֆադեյ Բելինսհաուզենը առաջին անգամ հասել է Անտարկտիդա:

1901 - ծնվել է Կուբայի 9-րդ նախագահ Ֆուլխենսիո Բատիստան:

1909 -Էռնեստ Շեկելտոնի արշավախումբը հայտնագործել է երկրագնդի հարավային մագնիսական բևեռը:

1920 - Փարիզում, առանց ԱՄՆ-ի մասնակցության, կայացել է Ազգերի լիգայի առաջին նիստը:

1936 - մահապատժի է ենթարկվել ամերիկացի սերիական մարդասպան, մանյակ և մարդակեր Ալբերտ Ֆիշը:

1943 – Հայրենական մեծ պատերազմի ժամանակ Կրասնոդոնի № 5 հանքում մահապատժի են ենթարկվել երիտասարդ գվարդիականները:

1944 -Երկրորդ համաշխարհային պատերազմի ժամանակ ամերիկացի գեներալ Դուայտ Էյզենհաուերը նշանակվել է դաշնակիցների էքսպեդիցիոն կորպուսի գերագույն հրամանատար:

1945– վախճանվել է խորհրդային դիրիժոր և երգահան Լև Շթայնբերգը:

1957 -Լիվերպուլում բացվել է «The Cavern» ակումբը, որը հանրահռչակ է նրանով, որ այնտեղ սկսել են ելույթ ունենալ «The Beatles» խմբի անդամները:

1967 -վախճանվել է ամերիկացի ֆիզիկոս, էլեկտրաստատիկ գեներատորի հայտնագործող Ռոբերտ Վան դե Գրաֆֆը:

1979 - Իրանի Խորասան մարզում տեղի է ունեցել ուժեղ երկրաշարժ, որի զոհ են դարձել հարյուրավոր մարդիկ:

1992– ծնվել է սլովենացի երգչուհի Մայա Կեուչը:

2002– ՄԱԿ-ի Անվտանգության խորհուրդը միաձայն քվեարկությամբ որոշել է պատժամիջոցներ կիրառել «Ալ-Քաիդա» և «Թալիբան» շարժումների նկատմամբ:

2023 - մահացել է իտալացի հայտնի դերասանուհի Ջինա Լոլոբրիջիդան:

Մանրամասները՝ «Փաստ» օրաթերթի այսօրվա համարում