Այս իշխանությանը փողոցային պայքարով հեռացնելու ծրագիրը կա, նախապատրաստական աշխատանքները դրա համար տարվում են. Հայկ Մամիջանյան

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Հանրապետականը առաջնային գործիք, որպես այս  կապիտուլիանտների հեռացման դիտարկում է փողոցային պայքարը:

Այս մասին, այսօր ասուլիսի ժամանակ հայտարարեց ԱԺ «Պատիվ ունեմ» խմբակցության ղեկավար Հայկ Մամիջանյանը:

«Հանրապետականի հանրային խոսքին հետևողները գիտեն, որ այդ ծրագիրը կա, այդ ծրագրի իրագործման պլանները կային, որոնք խախտվեցին և խաթարվեցին բոլորիս հայտնի իրադարձություններով:

Քաղաքականությանը քիչ թե շատ հետևող մարդիկ կարող են հասկանալ, թե քանի անգամ է հանրապետականները այդ մասին խոսել, փուլ առ փուլ ակնարկելով և պատմելով դրա մասին:

Այդ ծրագիրը շարունակվում է լինել, գոյություն ունենալ: Նախապատրաստական աշխատանքները դրա համար տարվում են, և մեր համար բացի փողոցային պայքարից այլ գործիք անընկալելի է թվում մեկ պարզ պատճառով:

Հայ ժողովուրդը, հայ քաղաքացիները, հայրենասերները Փաշինյանից պատասխան ունեն ստանալու և իրենք էդ պատասխանը Փաշինյանից ստանալու են:

Մեր պլաններից մեր գործընկերները տեղյակ են:

Մենք շատ ուրախ կլինենք, եթե մեզ բոլորը աջակցեն այս հարցում այնպես, ինչպես մենք ժամանակին աջակցել ենք այլ քաղաքական թիմերի գործընթացներին: Բայց անկախ դրանից, նույնիսկ եթե մենք մնանք միայնակ, մենք մեր առաքելությունը կանենք»,- հայտարարել է Մամիջանյանը: