Քաղաքագետը կանխատեսում է սոցիալական պայթյուն Ադրբեջանում

 Ադրբեջանում առկա իրավիճակը «Կովկաս» ինստիտուտի տնօրեն Ալեքսանդր Իսկանդարյանը բացատրում է այդ երկրի կառավարման համակարգում առկա թերություններով, հասարակության խնդիրների վերաբերյալ իրազեկվածության ցածր մակարդակով: «Արմենպրես»-ի փոխանցմամբ, Իսկանդարյանը շեշտում է, որ Ադրբեջանում առկա տնտեսական ճգնաժամը ուտ չի ավարտվի, քանի որ խորքային է եւ պարունակում է լուրջ հիմնախնդիրներ: Իսկանդարյանը խոստովանում է, որ Բաքվում տեղի ունեցող իրադարձություններն իրեն հիշեցրել են 90-ականների սկզբի պատկերը:

«Ճգնաժամ է, որը երկար է տեւելու, եւ լուծումը կախված է լինելու նավթի գներից: Ես վստահ եմ, որ տնտեսական զարգացումները կապ ունեն Ադրբեջանում քաղաքական զարգացումների հետ: Ադրբեջանական ԿԲ-ում տարեսկզբին 3 անգամ կրճատվել է պահուստային ֆոնդը»,- ասաց Իսկանդարյանը` հավելելով, որ դժվար է կանխատեսել, թե իրավիճակն ինչ հետեւանքներ կունենա երկրի համար:

Համաշխարհային շուկայում նավթի գների անկումն, անշուշտ, իր ազդեցությունը թողնում է Ադրբեջանում տնտեսական ճգնաժամի վրա, սակայն երկրի ղեկավարության սխալ քաղաքականությունն էլ ավելի է վատթարացնում իրավիճակը:

«Այն, ինչ կատարվում է Ադրբեջանում, տնտեսական կոլապս է, եւ դրանում մեղավորություն ունի նաեւ երկրի քաղաքական համակարգը: Այդ իրավիճակից դուրս գալու ուղղությամբ ադրբեջանական էլիտան ոչ կոմպետենտ քաղաքականություն է վարում: Փաստ է, որ Ադրբեջանում աղքատների եւ հարուստների միջեւ տարբերությունը հսկայական է: Իրավիճակն էլ բերում է սոցիալական պայթյունի, քանի որ մեծ թվով մարդկանց են բանտարկում, փոխանակման կետեր են փակվում եւ այլն: Այս ամենի հետեւանքը վատ է լինելու»,- ասաց Իսկանդարյանը` հավելելով, որ Ադրբեջանում առկա իրավիճակը կարոÕ ² է ազդեցություն ունենալ տարածաշրջանային զարգացումների վրա: