Գնդակն առաջին հերթին խորհրդարանական մեծամասնության դաշտում է որոշել` դառնա՞լ Արցախն Ադրբեջանի կազմում ճանաչող վարչախմբի հանցակից, թե՞ ոչ. Աննա Կոստանյան

Աննա Կոստանյանը ֆեյսբուքյան իր էջում գրում է. 

Ասում են « բա ՀայաՔվե ն ի՞նչ ա լինելու, էլ ու՞մ ա հիմա պետք, իրավիճակ ա փոխվել, Արցախը հայաթափված ա, արդեն անիմաստ ա» և շատ այլ նմանատիպ օբյեկտիվ, հուսալքված դժգոհություններ։ Կա մի շատ պարզ պատասխան. #Հայաքվե|ն 58.000 (առայժմ) ՀՀ քաղաքացիների պատասխանատվության և հայրենատիրության մասին է, ովքեր ՎՍՏԱՀՈՒԹՅԱՆ ԿՐԵԴԻՏ են տվել Արցախի ու հայոց ցեղասպանության պահանջատիրության շարունակականությունն ապահովող քաղաքացիական օրենսդրական ՆԱԽԱՁԵՌՆՈՒԹՅԱՆ ԱՆԴԱՄՆԵՐԻՆ` ակնկալելով, որ այն ամեն հնարավոր ու «անհնար» միջոցներով հասցնելու են վերջնական հանգրվանին։

Վաղը (արդեն այսօր), ժամը 10:00-ին, ՀՀ National Assembly of Armenia / Ազգային ժողով ում կայանալու է նախագծի քննարկումը գլխադասային` պետաիրավական հանձնաժողովում, որտեղ որոշվելու է նախագծի հետագա ընթացքը` կընդգրկվի՞ այն լիագումար նիստերի օրակարգ քննարկման, թե ոչ։

Գնդակն առաջին հերթին խորհրդարանական մեծամասնության դաշտում է որոշել` դառնա՞լ Արցախն Ադրբեջանի կազմում ճանաչող վարչախմբի հանցակից, թե՞ ոչ, հայոց ցեղասպանության պահանջատիրությունից հրաժարվելը քրեականացնե՞լ , թե ոչ։

Սա շանս է, որպեսզի ցույց տաք, թե որքանով եք հավատարիմ պատգամավորի մանդատը ստանձնելիս ձեր իսկ տված երդմանը` «ՀԱՆՈՒՆ ՀԱՄԱԶԳԱՅԻՆ ՆՊԱՏԱԿՆԵՐԻ ԻՐԱԿԱՆԱՑՄԱՆ ԵՒ ՀԱՅՐԵՆԻՔԻ ՀԶՈՐԱՑՄԱՆ ՈՒ ԲԱՐԳԱՎԱՃՄԱՆ»։

Դե իսկ ՀՀ քաղաքացիներն էլ հետևողական պետք է լինեն իրենց ստորագրությամբ վստահություն ստացած նախաձեռնության քայլերին.

ՎՍՏԱՀԵԼ ԵՔ, ՊԱՀԱՆՋԵ'Ք...