Տասնամյակներ շարունակ հայկական գործոնը հետաքրքիր է եղել աշխարհին մի շարք պատճառներով․ Շարմազանով

ՀՀԿ մամուլի խոսնակ Էդուարդ Շարմազանովն իր ֆեյսբուքյան էջում գրել է․

«Ակնհայտ է,որ տասնամյակներ շարունակ հայկական գործոնը հետաքրքիր է եղել աշխարհին մի շարք պատճառներով, որոնցից հիմնականներն են.

1.Հայկական ատոմակայանի առկայություն:

2. Ռուսական 102-րդ ռազմաբազան ,որը կանգնած է թուրքական բանակի դիմաց։

3. Հայկական Սյունիքը,որը կտրում է Ադրբեջանը Թուրքիայից։

4. Հայկական Արցախը։

Այլեւս ակնհայտ է,որ 2018-ի իշխանափոխության արտաքին շահառուները ծրագրել էին այդ գործոնները չեզոքացնել։

Պարզ է,որ փոխելով Հայաստանի արտաքին քաղաքական վեկտորը, թուրքանատօական բեւեռը դադարեցնելու է ատոմակայանի շահագործումը։

Պայմանագիր կնքելով Թուրքիայի հետ՝ վերջինս այլեւս սպառնալիք չի լինելու ՀՀ-ի համար,ուստի ռուսական 102-րդ ռազմաբազան կարող է հանվել։

2022-ի հոկտեմբերի 6-ին Պրահայում Փաշինյանն Արցախը ճանաչեց Ադրբեջանի մաս ՝դրանով սկիզբ դնելով Արցախի հայաթափմանը:

Սյունիքի մասով էլ Նիկոլը մոգոնել է նախկինում «հայկական»,իսկ այժմ «խաղաղության»,իսկ իրականում թուրքական խաչմերուկ եզրույթը,որի իրականություն դառնալու դեպքում ողջ Հայաստանը վեր է ածվելու պանթուրքիզմի խաչմերուկի։

Այդ դավադիր պլանի իրագործումն այլեւս փաստ է։

Դրա այլընտրանքը բացառապես Իրան-ՌԴ-Չինաստան առանցքի շուրջ անվտանգային ու արտաքին քաղաքական ռազմավարություն կառուցելն է։

Հակառակ դեպքում Հայաստանը կդառնա պանթուրքիզմի հերթական հնազանդ գործիքը»։