ՊԱՏՄՈՒԹՅԱՆ ԱՅՍ ՕՐԸ (2 ՆՈՅԵՄԲԵՐԻ). Մեծ ջրհեղեղի հետևանքով մոտ 20 000 մարդ է խեղդվել Հյուսիսային ծովում. «Փաստ»

«Փաստ» օրաթերթը գրում է.

ՏՈՆԵՐ ԵՎ ՀԻՇԱՐԺԱՆ ՕՐԵՐ

Լիբերիա՝Գոհաբանության օր, Գվատեմալա, Հոնդուրաս, Մեքսիկա և Սալվադոր՝ Մեռելոց:

ՀԱՅ-ՀԱՅԱՍՏԱՆ

1829 – ծնվել է նշանավոր հայ գրող, բանաստեղծ Միքայել Նալբանդյանը:

1870 – ծնվել է երգիծաբան Մուշեղ Բագրատունին:

1914 - Առաջին համաշխարհային պատերազմի ժամանակ ռուսական բանակը սկսել է մարտական գործողությունները կովկասյան ճակատում երկու ուղղությամբ՝ սկսելով հարձակում Էրզրումի ուղղությամբ:

1915 – ծնվել է հայազգի ամերիկացի երգչուհի Քեյ Արմենը (Արմենուհի Մանուկյան):

1931- ծնվել է լրագրող, երգիծաբան, հրապարակախոս Արտաշես Քալանթարյանը:

1967– վախճանվել է գրող, արձակագիր Քրիստափոր Թափալցյանը:

1972– ծնվել է ֆուտբոլիստ Սարգիս Հովսեփյանը, որը Հայաստանի ֆուտբոլի ազգային հավաքականում ամենաշատ խաղեր անցկացրած ֆուտբոլիստն է:

2003 - Երևանի Արաբկիր համայնքի ջրամատակարարման խողովակի վթարի հետևանքով առաջացել է դիզենտերիայի բռնկում, «Նորք» ինֆեկցիոն հիվանդանոցում դիզենտերիայով հիվանդների թիվը անցել է 100ից:

2008–Ռուսաստանի միջնորդությամբ Հայաստանի և Ադրբեջանի նախագահները ստորագրել են Ղարաբաղյան հակամարտության կարգավորման մասին հռչակագիր:

2011- Ալիկ Սարգսյանը ազատվել է ոստիկանապետի պաշտոնից, նոր ոստիկանապետ է նշանակվել Վլադիմիր Գասպարյանը:

2012 - վախճանվել է հայազգի գեղանկարիչ, գրաֆիկ և սցենոգրաֆ Զավեն Արշակունին:

2013 - առավոտյան ժամը 10:20-ի սահմաններում հոսանքազրկվել են մայրաքաղաք Երևանը ու մի շարք մարզեր։ Ըստ բացատրության, հոսանքազրկման պատճառը Հայաստանի և Իրանի էներգահամակարգերի մեկուսացումն է:

2018 - Յուրի Խաչատուրովն ազատվել է ՀԱՊԿ գլխավոր քարտուղարի պաշտոնից: -ԿԸՀ-ն հաստատել է դեկտեմբերի 9-ի արտահերթ ընտրությունների ժամանակացույցը:

2019–մետրոյի Հանրապետության հրապարակ կայարանամերձ հրապարակում կայացած «ՀուԶԱՆՔ ու Զանգ» ներկայացման համար կրթության, գիտության, մշակույթի և սպորտի նախարարության բյուջեից հատկացվել է 2,7 մլն դրամ, որի ժամանակ իրարանցում է առաջացել, քաղաքացիները դժգոհել են ներկայացման որակից ու մակարդակից:

ԱՇԽԱՐՀ

69 մ.թ.ա.-ծնվել է Եգիպտոսի թագուհի Կլեոպատրան:

1570– Հոլանդիայում տեղի է ունեցել մեծ ջրհեղեղ, որի հետևանքով մոտ 20 000 մարդ է խեղդվել Հյուսիսային ծովում:

1699– ծնվել է ֆրանսիացի նկարիչ Ժան Բատիստ Շարդենը:

1721-Պետրոս 1-ինը ընդունել է «Հայրենիքի հայր», «Համառուսաստանյան ցար» և «Պետրոս Մեծ» կոչումները, Ռուսաստանը դարձել է կայսրություն:

1755 –ծնվել է Ֆրանսիայի թագուհի Մարի Անտուանետը:

1865 –ծնվել է ամերիկացի լրագրող և քաղաքական գործիչ, ԱՄՆ 29-րդ նախագահ Ուորեն Հարդինգը:

1895 - վախճանվել է ֆրանսիացի սպա, Պուշկինին սպանած Ժորժ Դանտեսը:

1914 - Առաջին համաշխարհային պատերազմի ժամանակ Ռուսաստանը պատերազմ է հայտարարել Օսմանյան Կայսրությանը, որի հետևանքով Դարդանելի նեղուցը փակվել է:

1917 - հրապարակվել է Բալֆուրի հռչակագիրը, ըստ որի, Բրիտանիայի արտգործնախարար լորդ բալֆուրը հայտնել է Լայոնել Ռոտշիլդին, որ Բրիտանիայի կառավարությունը համաձայն է «Պաղեստինում ստեղծել հրեա ժողովրդի բնակության օջախ»:

1936 - Բի-Բի-Սին իր «Կրիստալ փելես» ստուդիայից սկսել է հեռարձակել բարձր որակի հեռուստահաղորդումներ:

1937 - մոսկովյան Կրեմլի 5 գմբեթում առաջին անգամ վառվել են կարմիր աստղեր:

1938 - Հունգարիան գրավել է Սլովակիայի հարավային մասը:

1943- ԽՍՀՄ-ում սկսվել է կարաչաևցիների դեպորտացիան Միջին Ասիա:

1946 - Չատկալ յան լեռնաշղթայում տեղի ունեցած հզոր երկրաշարժի արդյունքում Տաշքենդի և այլ քաղաքների հարյուրավոր շենքեր են վնասվել:

1947– ամերիկացի միլիոնատեր Հովարդ Հյուզը իր ընկերության կողմից պատրաստված պատմության ամենամեծ ամֆիբիա օդանավով թռիչք է իրականացրել:

1950- վախճանվել է իռլանդացի գրող Ջորջ Բերնարդ Շոուն:

1956 - Հունգարիայի կառավարությունը հայտարարել է Վարշավյան դաշինքից դուրս գալու մասին և օգնություն է խնդրել այլ երկրներից՝ սովետական օկուպացիան կանխելու համար:

1959 -«Մոնրեալ Կանադիենս» հոկեյի թիմի դարպասապահ Ժակ Պլանտը հերթական անգամ տափողակով դեմքին հարված ստանալուց հետո դուրս է եկել դաշտից և վերքերը կարելուց հետո վերադարձել իր իսկ պատրաստած ապակեպլաստիկից և ռետինից պատրաստված դիմակով:

1963 - Հարավային Վիետնամում տապալվել է Նգո Դին Ձյոմի կառավարությունը, վերջինս և նրա եղբայր Նգո Դին Նյուն սպանվել են:

1988 – ԱՄՆ-ի համացանցում հայտնվել է առաջին վնասարար ծրագիրը: Ուսանող Ռոբերտ Մորրիսոնի արձակած «որդը» հայտնաբերվել է Մասաչուսեթսի տեխնոլոգիական ինստիտուտում:

2016 - վախճանվել է խորհրդային և գերմանական կրկեսի արտիստ Օլեգ Պոպովը:

Մանրամասները՝ «Փաստ» օրաթերթի այսօրվա համարում