Քշիշտոֆ Պենդերեցկին կմասնակցի Հայաստանի երիտասարդական նվագախմբի հոբելյանին

Աշխարհահչակ կոմպոզիտոր և դիրիժոր Քշիշտոֆ Պենդերեցկին Հայաստան կժամանի` մասնակցելու Հայաստանի պետական երիտասարդական նվագախմբի 10-ամյակին նվիրված համերգին:

 Այս մասին «Արմենպրես» լրատվական գործակալության մամուլի սրահում կայացած ասուլիսի ժամանակ նշեց ՀՊԵՆ գեղարվեստական ղեկավար և գլխավոր դիրիժոր Սերգեյ Սմբատյանը:

«Հունվարի 25-ին նշվելու է նվագախմբի 10-ամյակը: Փայլուն արտիստներ են մասնակցելու համերգին, մաեստրո Պենդերեցկին և ուրիշներ գալու են Հայաստան: 10 տարեկան կոլեկտիվն ունի անելիքներ, շատ ակտիվ է եղել այս տարիներին: Հունվարի 25-ին տոնական համերգ է լինելու: Հնչելու են նաև Քշիշտոֆ Պենդերեցկու գործերից: Մասնակցելու են Նարեկ Հախնազարյանը, Ալեքսանդր Ռոմանովսկին, Մարիո Ստեֆանո Պիետրոդարկին և այլ հայ ու արտասահմանցի երաժիշտներ»,-նշեց Սերգեյ Սմբատյանը:

Նա հիշեցրեց, որ նվագախմբի առաջին համերգը տեղի է ունեցել 2006 թվականի հունվարի 25-ին, և այս տարվա տոնական համերգային երեկոյին նաև անակնկալներ կլինեն` կապված նվագախմբի անվան հետ:

Հայաստանի պետական երիտասարդական նվագախումբը ստեղծվել է 2005-ին: Հիմնադիր Սերգեյ Սմբատյանը, ով առ այսօրգլխավորում է կոլեկտիվը որպես գեղարվեստական ղեկավար և գլխավոր դիրիժոր, միավորել է երիտասարդ ու տաղանդավորերաժիշտների: 2008-ին բարձր վարպետության և արդի երաժշտության տարածման համար ՀՀ կառավարության որոշմամբնվագախումբը ստացել է պետական կարգավիճակ: Նվագախումբը հանդես է եկել բազմաթիվ համերգներով Հայաստանում ևերկրի սահմաններից դուրս: