Գործարկվել է Ակբա բանկի 65-րդ մասնաճյուղը

Ակբա բանկը գործարկել է 65-րդ՝ «Սեբաստիա» մասնաճյուղը: Նորաբաց մասնաճյուղը տրամադրում է Ակբա բանկի կողմից առաջարկվող ծառայությունների ամբողջ շարքը:

«Ակբան շարունակում է զարգացնել մասնաճյուղային ցանցը, որպեսզի ավելի մոտ գտնվի հաճախորդներին ու գործընկերներին։ «Սեբաստիա» մասնաճյուղի բացմամբ  Երևանում մենք արդեն ունենք 21 մասնաճյուղ, իսկ Հայաստանի ամբողջ տարածքում մեր մասնաճյուղերի քանակը դարձավ 65։ Մասնաճյուղային այս լայն ցանցը հնարավորություն է ընձեռում հասանելի լինել ամբողջ երկրում և նպաստել տնտեսության զարգացմանը։ Հենց այս նպատակով էլ պետք է շարունակենք աշխատել՝ միմիայն առաջ գնալու տրամաբանությամբ։ Նորաբաց «Սեբաստիա» մասնաճյուղում մեր բոլոր հաճախորդներն ու գործընկերները կօգտվեն Ակբայի կողմից առաջարկվող ծառայությունների ամբողջ փաթեթից»,- նշել է Ակբա բանկի Գլխավոր գործադիր տնօրեն Հակոբ Անդրեասյանը:

Բացման կապակցությամբ «Սեբաստիա» մասնաճյուղում մինչև ս.թ. դեկտեմբերի 29-ը ներառյալ հատուկ պայմաններ կգործեն հետևյալ ծառայությունների համար. 

Ֆիզիկական անձ հաճախորդների համար՝

• անվճար Mastercard Standard և American Express Cashback քարտեր գործողության ամբողջ ժամկետի համար,
• 50% զեղչ Visa Signature քարտի առաջին տարվա սպասարկման համար (քարտի առավելությունները՝ այստեղ),
• 30% զեղչ American Express Gold քարտի սպասարկման համար՝ Ակբա բանկի ավանդատու լինելու դեպքում (քարտի առավելությունները՝ այստեղ)։

Մանրամասն՝ բանկի կայքէջում:

Իրավաբանական անձ հաճախորդների համար`

• Visa Business քարտ՝ առանց առաջին տարվա սպասարկման միջնորդավճարի,
• Soft PՕS հավելվածի ակտիվացման դեպքում վճարային քարտերի սպասարկման միջնորդավճարները պայմանագրի կնքման հաջորդող 30 օրացույցային օրվա համար կսահմանվեն 0%։

Մանրամասն՝ բանկի կայքէջում:

 

Բանկի «Սեբաստիա» մասնաճյուղն աշխատելու է երկուշաբթիից ուրբաթ՝ ժամը 09:30-18:00-ն ընկած ժամանակահատվածում (հաշվարկադրամարկղային սպասարկում՝ 09:30-16:30):

Ակբա բանկի «Սեբաստիա» մասնաճյուղը կգործի «Սեբաստիայի փողոց 80, թիվ 50 շինություն» հասցեում։