«Հայաստան» հիմնադրամն օգնություն է բաշխել Արցախից տեղահանված անձանց

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

«Հայաստան» համահայկական հիմնադրամը ԱՄՆ «Հայաստան» հիմնադրամի ֆինանսավորմամբ, տասնյակ բեռնատարներով մարդասիրական օգնություն է բաշխել Լեռնային Ղարաբաղից բռնի տեղահանված հայերին՝ մարզերում գործող իր գործընկեր հասարակական կազմակերպություններիների միջոցով։  Հայտնել է հիմնադրամի մամուլի ծառայությունը։ 

Հրատապ աջակցությունը ներառում է 1000 ընտանիքի համար նախատեսված 40 տոննա պարեն (բրինձ, մակարոն, հնդկաձավար, ձեթ, թխվածքաբլիթ, կարտոֆիլ, թեյ, սուրճ և այլն), մանկական սնունդ, տնտեսական ապրանքներ, հագուստ և հիգիենայի պարագաներ։  Արարատի մարզում աջակցությունից օգտվել է 220, Վայոց Ձորում՝ 100, Սյունիքում՝ 320, իսկ Գեղարքունիքում 340 տեղահանված ընտանիք։

Հիմնադրամը նախատեսում է ընդլայնել  հումանիտար աջակցության տրամադրման աշխարհագրությունը՝ ընդգրկելով ՀՀ գրեթե բոլոր մարզերը: Շուրջ 400 մլն դրամ արժողությամբ հումանիտար օգնության երկրորդ փուլը կներառի կենցաղավարման համար առաջնային անհրաժեշտության պարագաներ՝ մահճակալներ, տաքացուցիչներ, տաք հագուստ, սնունդ, անկողնային և հիգիենայի պարագաներ: Հիմնադրամի աջակցությունից առաջիկա շաբաթներին կօգտվի ավելի քան 2000 ընտանիք:

Շնորհակալություն ենք հայտնում Եղեգնաձորի «Դու մենակ չես» կանանց աջակցման կենտրոնին, «Վիննեթ  Գորիս»  զարգացման հիմնադրամին, «Մարտունու կանանց համայնքային խորհուրդ» ՀԿ-ին և «Ժողովրդավարության և անվտանգության հայկական կենտրոն» հիմնադրամին՝ իրենց անխոջ կամավոր աշխատանքի համար։