«Նրանք իսկական առյուծներ են, նրանք կռվել են մինչև վերջ»․ «Փաստ»

«Փաստ» օրաթերթը գրում է.

politnavigator.net-ն «Կռվել են մինչև վերջ. ռուս զինվորական թղթակիցն առաջարկել է Արցախի պաշտպաններին տեղափոխել Հյուսիսային ռազմական շրջան» վերնագրով հոդվածում գրում է, որ ռուսական բանակի շարքերում շատ օգտակար կլինեին այնպիսի մարտիկները, ինչպիսիք են Լեռնային Ղարաբաղի պաշտպանները, որոնք այժմ անգործ են։ Այդ մասին «KP» ռադիոկայանի եթերում ասել է ռուս ռազմական թղթակից Ալեքսանդր Կոցը։

«Ի դեպ, ինձ շատ է հետաքրքրում, թե ինչո՞ւ նրանք դեռ խորհրդարան չեն մտել, խոսքը զենքով կռված մարդկանց, Արցախի պաշտպանության բանակի նախկին զինվորների մասին է։ Որովհետև նրանք իսկական գայլեր են, իսկական առյուծներ, նրանք կռվել են մինչև վերջ, այդ մասին խոսում են անգամ ադրբեջանական բանակի կորուստներն այդ 24 ժամվա ընթացքում։ Այնտեղ կորուստները երեք անգամ գերազանցել են 2020 թվականի պատերազմի օրական կորուստները։ Եվ դա պատերազմի ընդամենը մեկ օրն էր, և նրանք տվեցին իրենց վերջին ճակատամարտը»,- նշել է ռազմական թղթակիցը։

«Այդ մարդիկ հիմա Հայաստանում են, և Հայաստանի պաշտպանության նախարարն արդեն ասել է, որ նրանց պետք է ընդունել Հայաստանի Հանրապետության բանակ, որպեսզի այնտեղ իրենց փորձը փոխանցեն։ Բայց եթե նրանք այնտեղ մնան առանց աշխատանքի, ինձ թվում է, որ լավ կլինի նրանց կանչել ռուսական բանակ, նման մարտական տղաները մեզ օգտակար կլինեն, մենք նրանց չենք լքի, չենք դավաճանի, կապահովենք նրանց իրենց նոր հայրենիքում, և մենք կպարգևատրենք նրանց որպես իրական հերոսների, ինչպես անում ենք Հյուսիսային ռազմական շրջանի մեր հերոսների հետ»,եզրափակել է Կոցը:

Մանրամասները՝ «Փաստ» օրաթերթի այսօրվա համարում