Թանկացել է արևածաղկի ձեթը, ձուն, միրգն ու բանջարեղենը․ որոշ մթերքների գները նվազել են

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

2023թ. սեպտեմբերին 2022թ. սեպտեմբերի համեմատ հանրապետությունում արձանագրվել է սննդամթերքի և ոչ ալկոհոլային խմիչքի 3.1% գնանկում, իսկ 2023թ. օգոստոսի համեմատ՝ 1.4% գնաճ:

Հանրապետության դիտարկվող բոլոր քաղաքներում 2023թ. սեպտեմբերին օգոստոսի համեմատ սննդամթերքի և ոչ ալկոհոլային խմիչքի գներն աճել են 1.0-1.7%-ով (գնաճի ամենաբարձր ցուցանիշն արձանագրվել է ք. Եղեգնաձորում): Մայրաքաղաքում սննդամթերքի և ոչ ալկոհոլային խմիչքի գներն աճել են 1.5%-ով:

Այս մասին Iravaban.net-ը տեղեկանում է Վիճակագրական կոմիտեից։

2023թ. սեպտեմբերին 2022թ. սեպտեմբերի համեմատ հնդկացորենի գինը նվազել է 29.9%-ով, ոսպինը՝ 22.4%-ով, ոլոռինը՝ 16.6%-ով, հաճարինը՝ 6.0%-ով, բրնձինը՝ 6.0%-ով, ձավարինը՝ 5.7%-ով, բլղուրինը՝ 5.7%-ով, իսկ 2023թ. օգոստոսի համեմատ՝ համապատասխանաբար 2.5%, 0.2%, 1.3%, 1.8%, 0.2%, 1.0%, 0.7%-ով:

2023թ. սեպտեմբերին 2022թ. սեպտեմբերի համեմատ խոզի մսի գինը նվազել է 14.2%-ով, ոչխարի մսինը՝ 2.7%-ով, թռչնամսինը՝ 0.2%-ով, իսկ 2023թ. օգոստոսի համեմատ՝ համապատասխանաբար 1.2%, 1.4% և 0.4%-ով: Տավարի մսի գինը 2023թ. սեպտեմբերին 2022թ. սեպտեմբերի համեմատ աճել է 2.2%-ով, իսկ 2023թ. օգոստոսի համեմատ արձանագրվել է 0.3% գնանկում:

Մարգարինի գինը 2023թ. սեպտեմբերին 2022թ. սեպտեմբերի համեմատ նվազել է 17.8%-ով, «Իշխան» ձկնատեսակինը՝ 5.1%-ով, կարագինը՝ 4.5%-ով, պանրինը՝ 1.7%-ով, իսկ 2023թ. օգոստոսի համեմատ համապատասխանաբար 1.8%, 0.5%, 0.5%, 0.2%-ով:

2023թ. սեպտեմբերին 2022թ. սեպտեմբերի համեմատ հանրապետությունում արձանագրվել է ալյուրի՝ 19.4%, մակարոնեղենի՝ 12.1%, իսկ 2023թ. օգոստոսի համեմատ 0.8% գնանկում:

2023թ. սեպտեմբերին 2022թ. սեպտեմբերի համեմատ արևածաղկի բուսական յուղի գինը նվազել է 34.6%-ով, իսկ 2023թ. օգոստոսի համեմատ արձանագրվել է 0.9% գնաճ:

Շաքարի և շաքարավազի ապրանքախմբում 2023թ. սեպտեմբերին 2022թ. սեպտեմբերի համեմատ արձանագրվել է 8.1%, իսկ 2023թ. օգոստոսի համեմատ՝ 4.2% գնանկում:

Դրան զուգընթաց, 2023թ. սեպտեմբերին 2022թ. սեպտեմբերի համեմատ ձվի գինն աճել է 15.1%-ով, իսկ 2023թ. օգոստոսի համեմատ՝ 0.4%-ով:

Ալկոհոլային խմիչքի և ծխախոտային արտադրատեսակների գները 2023թ. սեպտեմբերին 2022թ. սեպտեմբերի համեմատ աճել են՝ համապատասխանաբար 5.6% և 11.4%-ով, իսկ 2023թ. օգոստոսի համեմատ՝ 0.6% և 0.1%-ով:

Բանջարեղենի ապրանքախմբում 2023թ. սեպտեմբերին 2022թ. սեպտեմբերի համեմատ արձանագրվել է 6.6%, իսկ 2023թ. օգոստոսի համեմատ՝ 14.9% գնաճ:

Մրգի ապրանքախմբում 2023թ. սեպտեմբերին 2022թ. սեպտեմբերի համեմատ հանրապետությունում գրանցվել է 0.4% գնանկում, իսկ 2023թ. օգոստոսի համեմատ՝ 2.4% գնաճ։

2023թ. սեպտեմբերին օգոստոսի համեմատ մրգի և բանջարեղենի ապրանքախմբերի միջին կշռված գնաճը կազմել է 9.45%: Վերը նշված ապրանքախմբերը սպառողական զամբյուղում ունենալով 9.38% տեսակարար կշիռ, նշված ժամանակահատվածում նպաստել են սպառողական գների ընդհանուր մակարդակի աճին 0.89 տոկոսային կետով: