ՊԱՏՄՈՒԹՅԱՆ ԱՅՍ ՕՐԸ (5 ՀՈԿՏԵՄԲԵՐԻ). Ավերիչ երկրաշարժից ու ցիկլոնից զոհվել է ավելի քան 160 հազար մարդ․ «Փաստ»

«Փաստ» օրաթերթը գրում է.

ՏՈՆԵՐ ԵՎ ՀԻՇԱՐԺԱՆ ՕՐԵՐ

Ուսուցիչների համաշխարհային օր, Ինդոնեզիա՝ Զինված ուժերի օր, Հայաստան՝ Ուսուցչի օր, Պորտուգալիա՝ Հանրապետության օր, Վանուատու՝ Սահմանադրության օր:

ՀԱՅ-ՀԱՅԱՍՏԱՆ

1935 –ծնվել է ֆրանսահայ ջութակահար, Հայաստանի ժողովրդական արտիստ Ժան Տեր-Մերկերյանը:

2007- երեկոյան Թատրոնի և կինոյի ինստիտուտի շենքի մոտից սկսվել է «Հայֆեստ» 5-րդ միջազգային փառատոնի հանդիսավոր շքերթը: Մասնակիցները հասել են Շառլ Ազնավուրի անվան հրապարակ, որտեղ էլ շարունակվել է տոնը` մինչև փառատոնի հանդիսավոր բացումը:

2009-Հայաստանի նախագահ Սերժ Սարգսյանը ստացել է Թուրքիայի նախագահ Աբդուլա Գյուլի պաշտոնական հրավերը՝ այցելելու Թուրքիա և համատեղ դիտելու ֆուտբոլային հանդիպումը Թուրքիայի և Հայաստանի ազգային հավաքականների միջև:

2011– վախճանվել է հայկական պարարվեստի մեծագույն երախտավորներից մեկը՝ նշանավոր պարուսույց Վանուշ Խանամիրյանը:

2011-սկսել է գործել «Զվարթնոց» օդանավակայանի նորակառույց տերմինալը տարեկան 3,5 միլիոն ուղևոր սպասարկելու հնարավորությամբ. ներդրումը կազմել է 160 միլիոն դոլար:

2012 –վախճանվել է կոմպոզիտոր Էդուարդ Միրզոյանը:

2018-Փարիզում տեղի է ունեցել Շառլ Ազնավուրի հոգեհանգստի արարողությունը:

2020-Ղարաբաղյան երկրորդ պատերազմի ժամանակ Նիկոլ Փաշինյանն այցելել է Արցախ և խորհրդակցություն անցկացրել Արցախի նախագահ Արայիկ Հարությունյանի և բարձրագույն սպայակազմի հետ: Երեկոյան նա կոչ է արել վերջին տարում ծառայությունը ավարտած բոլոր երիտասարդներին՝ կամավոր մեկնել ճակատ:

ԱՇԽԱՐՀ

610 - Բյուզանդիայում թագադրվել է Հերակլիոս Ա կայսրը:

1143– Պորտուգալիան անկախացել է Լեոնի թագավորությունից, իսկ սկսած 1910 թվականից այդ օրը սկսել է նշվել որպես Հանրապետության տոն:

1502 - Քրիստաֆոր Կոլումբոսը հայտնագործել է Կոստա Ռիկա կղզին:

1713 – ծնվել է ֆրանսացի փիլիսոփա Դենի Դիդրոն:

1728 –ծնվել է ֆրանսիացի արկածախնդիր, դիվանագետ և հետախույզ Շեվալիե դը Էոնը, որն իր ամբողջ գիտակից կյանքի մեծ մասն անցկացրել է կնոջ կերպարում:

1793-Ֆրանսիայի Ազգային կոնվետի օրենքով մտցվել է Ֆրանսիական հանրապետական օրացույց:

1813 –վախճանվել է ամերիկյան գաղութարարների դեմ պայքարած հնդիկների առաջնորդ Թեկումսենը:

1823 –Անգլիայում սկսել է հրատարակվել աշխարհում առաջին բժշկական ամսագիրը՝ «Լանցետը»:

1848 –վախճանվել է գերմանա-ֆրանսիական կոմպոզիտոր Ժակ Օֆենբախը:

1864 - Հնդկաստանի Կալկաթա քաղաքը համարյա ամբողջովին ավերվել է ցիկլոնից, զոհվել է մոտ 60 000 մարդ:

1864 – ծնվել է կինեմատոգրաֆիայի գյուտարարներից մեկը՝ ֆրանսիացի կինեմատոգրաֆիստ Լուի Ժան Լյումիերը:

1902 –ծնվել է ամերիկացի ռեստորատոր և ռեստորանների ցանցի ստեղծող Ռեյ Կրոկը:

1910 - Պորտուգալիան դարձել է հանրապետություն:

1918 –վախճանվել է ֆրանսիացի օդաչու Ռոլան Գարոսը:

1930 –Արկտիկայի հետազոտող Գեորգի Ուշակովը ավարտել է Հյուսիսային Երկրի հայտնագործումը և նրա արևմտյան ափին բարձրացրել է խորհրդային դրոշը:

1936– ծնվել է չեխ նշանավոր գրող, քաղաքական գործիչ Վացլավ Հավելը:

1954 - Իտալիան և Հարավսլավիան բաժանել են Տրիեստի մոտակա տարածքը:

1948– Թուրքմենստանի մայրաքաղաք Աշխաբադում տեղի է ունեցել ավերիչ երկրաշարժ, որի արդյունքում տարբեր հաշվարկներով զոհվել է ավելի քան 100 000 մարդ:

1962- ավարտվել է Ջեյմս Բոնդի մասին պատմող առաջին ֆիլմի ստեղծումը:

1986– Լիոնում ֆրանսիացի երաժիշտ Ժան Միշել Ժառը Հռոմի պապ Հովհաննես Պողոս 2-րդի այցի կապակցությամբ բացօթյա համերգ է տվել, որին ներկա է եղել մոտ 800 000 մարդ:

1994–ՅՈՒՆԵՍԿՕ-ի կողմից սկսել է նշվել ուսուցիչների օրը:

2000– Հարավսլավիայում Բուլդոզերյան հեղափոխությամբ վերջ է տրվել Սլոբոդան Միլոշեվիչի կառավարմանը:

2011 –վախճանվել է ամերիկացի գործարար, Apple Inc. ընկերության համահիմնադիր Սթիվ Ջոբսը:

2014 –վախճանվել է թատերական ռեժիսոր և դերասան, Տագանկայի թատրոնի գեղարվեստական ղեկավար Յուրի Լյուբիմովը:

Մանրամասները՝ «Փաստ» օրաթերթի այսօրվա համարում