Հայաստանի բասկետբոլի հավաքականներն այս տարի մասնակցելու են մի շարք մրցաշարերի

 2016 թվականին Հայաստանի բասկետբոլի 4 հավաքականներ մասնակցելու են Եվրոպայի տարբեր տարիքային առաջնությունների: «Արմենպրես»-ի հաղորդմամբ, Հայաստանի ազգային օլիմպիական կոմիտեի պաշտոնական կայքի տեղեկատվության համաձայն, հունվարի 22-ին Մյունխենում կկայանա Եվրոպայի 2016 թվականի առաջնությունը, որտե ղ հայտնի կդառնան Հայաստանի հավաքականների մրցակիցների անունները: 

Հայաստանի ազգային հավաքականն առաջին անգամ  մասնակցելու է պաշտոնական մրցումների՝ մասնակցելով Եվրոպայի փոքր երկրների առաջնությանը: Առաջնությունը կայանալու է Մոլդովայում: Ժամկետները հայտնի կդառնան հունվարի 22-ին: Փոքր երկրների առաջնությանը մասնակցելու իրավունք ունեն Հայաստանը, Ադրբեջանը, Անդորրան, Ջիբրալթարը, Մալթաը, Մոլդովաը, Մոնակոը, Նորվեգիան, Սան Մարինոն, Ուելսը, Շոտլանդիան: 

Հայաստանը երկրորդ տարին անընդմեջ կմասնակցի մինչեւ 20 տարեկանների Եվրոպայի առաջնության B դիվիզիոնի հանդիումներին: Սպասվում է, որ B դիվիզիոնի մասնակիցների քանակն այս տարի կգերազանցի 20-ը: Մասնակից երկրների թվում են լինելու նաեւ բասկետբոլային գերտերություններ՝ Ռուսաստանը, Հունաստանը, Խորվաթիան: Առաջնությունը կայանալու է հուլիսի 15-ից 24-ը, Աթենքի հարեւանությամբ գտնվող Խալկիդա քաղաքում:

Հայաստանի պատանեկան հավաքականը եւս 5 տարվա ընդմիջումից հետո միջազգային ասպարեզ դուրս կգա: Այս հավաքականն այս տարի հանդես կգա Եվրոպայի առաջնության C դիվիզիոնում: Սպասվում է, որ C դիվիզիոնում ելույթ կունենան շուրջ 10 հավաքականներ: Առաջնությունը կայանալու է Կիպրոսում: 

Կանանց մրցաշարերում Հայաստանը հանդես կգա մեկ հավաքականով: Հայաստանի մինչեւ 18 տարեկանների ընտրանին ելույթ կունենա Եվրոպայի առաջանության C դիվիզիոնում: Առաջնությունը տեղի է ունենալու Վրաստանում: Սպասվում է, որ Թբիլիսում ասպարեզ դուրս կգան 6-ից 8 հավաքականներ: