Բրյուսելում մեկնարկել Է 94-րդ միջազգային ավտոմոտոսալոնը

Հունվարի 12-ին Բրյուսելում բացվել Է 94-րդ  միջազգային ավտոմոտոսալոնը: Նրա առաջին այցելուներն են դարձել լրագրողները. հունվարի 13-ին ավտոմոտոսալոնը կընդունի մասնագետներին, իսկ լայն հանրության համար այն իր դռները կբացի հունվարի 14-ից մինչեւ 24-ը, տեղեկացնում Է «Արմենպրես»-ը:

Համարդում Է, որ ավտոմոբիլների եւ մոտոցիկլետների բրյուսելյան ցուցահանդես-վաճառքն իր հեղինակությամբ զիջում Է Ժնեւի, Ֆրանկֆուրտի, Փարիզի եւ Տոկիոյի նշանավոր ավտոսալոններին: Այնուամենայնիվ, Բելգիայի մայրաքաղաքում իրենց մոդելներն են ներկայացրել համաշխարհային բոլոր առաջատար արտադրողները՝ ընդամենը 150 ցուցադրող:   

Այցելուներին սպասում են համաշխարհային մեկ ավտոպրեմիերա՝ Toyota Verso 2016-ը, եւ մի շարք եվրոպական՝պրեմերիաներ՝ ARV Luxury Vans VIP Transport-ը, Fiat Tipo-ն, Land Rover Range Rover Evoque Convertible-ը, Mercedes-Benz SL-ը, Mercedes-Benz GLS-ը, Mini Cabrio-ն, Mini One D Clubman-ը, Mitsubishi Space Star-ը, Porsche 911 Turbo-ն, Porsche Macan GTS-ը եւ Subaru Forester-ը: Առանձին ցուցադրանքներ նվիրված են Էկոլոգիապես մաքուր ավտոմեքենաներին եւ այսպես կոչված Youngtimer-ին՝ 1971-ից մինչեւ 1983 թվականը թողարկված ավտոմոբիլներին:

Ցուցահանդես-վաճառքը ծավալված Է Heysel պալատի 100 հազար քառակուսի մետր մակերեւսով 12 ցուցահանդեսային սրահներում: Կազմակերպիչներն ակնկալում են, որ այս տարի երկու տարին մեկ անցկացվող Բրյուսելի ավտոմոտոսալոնի այցելու կդառնա ավելի քան 500 հազար մարդ: Ըստ վիճակագրության՝ ցուցահանդես-վաճառքի այցելուների 90 տոկոսից ավելին այնտեղ գտնում են այն ցանկալի ավտոմեքենան կամ  մոտոցիկլետը, որի ղեկին իրենք երազում Էին նստել, հաղորդել Է ՌԻԱ Նովոստին: