Ոչնչացման եզրին գտնվող 12 դրախտավայր (լուսանկարներ)

ԼԱՅՖ 2 Հուլիս, 2015 12:07

Աշխարհում գոյություն ունեն հիանալի տարածքներ, որոնք վերացման վտանգի տակ են: Ռուսական РБК-ն ներկայացնում է նմանատիպ 12 վայր՝ առաջարկելով որքան հնարավոր է շուտ այցելել այդ վայրեր:

Այդ վայրերից մեկը Հունաստանում գտնվող Օլիմպիան է՝ լեգենդար խաղերի հայրենիքը: Այն կարող է վերանալ չոր և շոգ ամառների պատճառով առաջացած հրդեհներից:

Հրդեհը կարող է վերացնել նաև Իսպանիայում գտնվող Սաարա-դե-լա-Սյերրա տեղանքի բնությունը:

Իսկ ահա Մանհեթենում գտնվող հայտնի Battery այգին կարող է ջրի տակ հայտնվել գլոբալ տաքացման հետևանքով ջրի մակարդակի բարձրացման պատճառով:

Ջրհեղեղը կարող է ոչնչացնել նաև Վենետիկը. 2008-ին հորդառատ անձրևների հետևանքով քաղաքը համարյա ամբողջությամբ հեղեղվել էր ջրով:

Սիբիրում գտնվող Բայկալ լճին սպառնում է թղթի արտադրության կոմբինատը, որը աղտոտում է լճի ջուրը:

Ծովի մակարդակի բարձրացումը սպառնում է նաև Պոլինեզիայում գտնվող Տուվալու կղզուն:

Ռիսկի խմբում են հայտնվել նաև Կոստա Ռիկայում գտնվող «ամպային անտառները». կլիմայի փոփոխությունը կարող է բերել ամպերի քանակի նվազմանը, օդի ջերմաստիճանի բարձրացմանը, ինչի հետևանքով տարածքի ջրային համակարգը կարող է շարքից դուրս գալ:

Էկոլոգիական աղետը սպառնում է նաև Գուդզոնի ծովածոցի արևմտյան ափին. այն կարող է մնալ առանց ջրի:

Օվկիանոսային հոսքերի փոփոխությունը սպառնում է լոնդոնյան Թեմզա գետին. գետը չափերով փոքրանում է, վերանում է նրանում առկա կենդանական աշխարհը:

Հրդեհները կարող են լրջորեն վնասել Կալիֆոռնիայում գտնվող Բիգ Սյուրան:

Լուրջ խնդիրների առաջ է կանգնած նաև Նիգեր գետի դելտայի շրջանը. ջրի մակարդակի բարձրացումը հանգեցրել է ջրի միջոցով փոխանցվող հիվանդությունների թվի աճին:

Չինաստանում գտնվող Յանցզի գետի ողջ բուսական և կենդանական աշխարհը ևս ոչնչացման եզրին է:

Օլիմպիա, Հունաստան