Ադրբեջանում երկու դպրոցականներ կախվել են

Ադրբեջանի Բեյլագանի շրջանում կախվելով ինքնասպանություն է գործել 11-ամյա դպրոցական Գարա Աղաեւը:

Այս մասին, ինչպես հաղորդում է«Արմենպրես»-ը, հայտնում են ադրբեջանական ԶԼՄ-ները:

Փաստի առնչությամբ քրեական գործ է հարուցվել, կատարվում է հետաքննություն: Ինքնասպանության պատճառների մասին դեռեւս հայտնի չէ:

APA լրատվական գործակալությունը հայտնել է, որ նման դեպք տեղի է ունեցել նաեւ Բարդայի շրջանում: Սեփական տանը կախվելով ինքնասպանություն է գործել 16-ամյա Այթաջ Սուրխայլըն: Այս միջադեպի առնչությամբ շրջանային դատախազությունում քրեական գործ է հարուցվել ինքնասպանության հասցնելու հոդվածով:

Ադրբեջանական ԶԼՄ-ների համաձայն` Ադրբեջանում 2016 թվականի սկզբից մինչ օրս արդեն 10 ինքնասպանության դեպք էտեղի ունեցել:

Ադրբեջանի իշխանությունները երկրում ինքնասպանությունների պաշտոնական վիճակագրություն չեն հրապարակում, սակայն,ադրբեջանական ԶԼՄ-ների համաձայն` 2015 թվականի ընթացքում 260-ից ավելի ինքնասպանության դեպք է գրանցվել, որոնցից14-ն անչափահասներ են եղել:

2015 թվականի ընթացքում Ադրբեջանում քաղաքացու ինքնահրկիզման դիմելու 19 դեպք է տեղի ունեցել, որից 11-ը մահվանելքով ավարտ են ունեցել:

Ադրբեջանական ԶԼՄ-ների համաձայն` 2015 թվականի սկզբից մինչ այժմ Ադրբեջանում մայրասպանության 5, հայրասպանության 7, հարազատների` միմյանց սպանության 20 եւ ամուսինների` միմյանց սպանության 20 դեպք է տեղի ունեցել: