ՊԱՏՄՈՒԹՅԱՆ ԱՅՍ ՕՐԸ (1 ՕԳՈՍՏՈՍԻ). Տեղի է ունեցել Հայաստանի խորհրդի անդրանիկ նիստի հանդիսավոր բացումը. «Փաստ»

«Փաստ» օրաթերթը գրում է

ՏՈՆԵՐ ԵՎ ՀԻՇԱՐԺԱՆ ՕՐԵՐ

Անգոլա՝ Զինված ուժերի օր, Բենին՝ անկախության օր, Չինաստան՝ Ազգային –ազատագրական բանակի կազմավորման օր, Լեհաստան՝ Վարշավյան ապստամբության զոհերի հիշատակի օր, Ռուսաստան՝ Բանակի թիկունքի աշխատողների օր, Շվեյցարիա՝ Կոնֆեդերացիայի օր, Բարբադոս, Բերմուդներ, Գայանա, Տրինիդադ և Տոբագո, Յամայկա՝ Էմանսիպացիայի օր:

ՀԱՅ – ՀԱՅԱՍՏԱՆ

1903 – ծնվել է գրող Գուրգեն Մահարին:

1905 – Ռուսաստանում ցարի հրամանագրով չեղյալ է հայտարարվել 1903 թվականի հունիսի 12–ի օրենքը (հատուկ օրենք, որով պետությանն էր անցնում հայկական հոգևոր հաստատություններին պատկանող ամբողջ շարժական և անշարժ գույքը)։

1918 – Երևանի քաղաքային ակումբի դահլիճում տեղի է ունեցել Հայաստանի խորհրդի անդրանիկ նիստի հանդիսավոր բացումը:

1921– ծնվել է ծագումով հայ, ամերիկացի հայտնի օպերային երգչուհի (կոնտրալտո) Լիլի Չուգասզյանը, որը 1960–80–ական թվականներին երգել է Մետրոպոլիտեն օպերայում և Նյու Յորքի օպերային թատրոններում:

1917 – ծնվել է պատմաբան Լևոն Բաբայանը:

1933 – ծնվել է գրող, արձակագիր և դրամատուրգ Զորայր Խալափյանը:

1934 – Երևանում սկսվել է Հայաստանի գրողների միության առաջին համագումարը։

1938 – վախճանվել է խորհրդային դիվանագետ Ալեքսանդր Բեկզադյանը:

1943 – ծնվել է ռազմական գործիչ, գեներալ–լեյտենանտ Մուրազ Սարգսյանը:

1946 – ծնվել է օպերային երգչուհի, սոպրանո Արաքս Մանսուրյանը:

1956 – ծնվել է Լեռնային Ղարաբաղի Հանրապետության նախկին վարչապետ Անուշավան Դանիել յանը:

2003– ուժի մեջ է մտել նոր Քրեական օրենսգիրքը, և առաջին իսկ օրը հրապարակվել է նախագահ Քոչարյանի հրամանագիրը, որով մահվան դատապարտված 42 անձի ներում է շնորհվել, ու նրանց նկատմամբ սահմանված պատիժը փոխարինվել է նոր օրենսգրքում սահմանված առավելագույն պատժաչափով՝ ցմահ բանտարկությամբ:

2008 – Երևանում կայացել է ճանապարհաշինական հերթական խոշոր՝ «Այրարատ» կինոթատրոնի հարևանությամբ գտնվող տրանսպորտային նոր հանգույցի շահագործման հանձնելու հանդիսավոր արարողությունը: – Մատենադարանի մոտ անցկացված հանրահավաքում ՀՀՇ առաջնորդ Լևոն Տեր– Պետրոսյանը հայտարարել է ընդդիմադիր դաշինքի՝ ՀԱԿ–ի ստեղծման մասին:

2017 – առավոտյան միջին տարիքի մի տղամարդ մտել է եզդիաբնակ Շամիրամ գյուղի գերեզմանների հարևանությամբ գտնվող սրահը, որտեղ նշում էին հանգուցյալների հիշատակի օրը, ու կրակ բացել ներկաների ուղղությամբ։ Զոհվել է 4 եզդի, ևս 7–ը վիրավորվել է։

ԱՇԽԱՐՀ

մ.թ.ա. 30 – Օկտավիանոս Օգոստոսը մտել է Եգիպտոսի մայրաքաղաք Ալեքսանդրիա և այն ենթարկել Հռոմի Կայսրությանը: Զոհվել է հռոմեացի ռազմական գործիչ և տրիումֆատոր Մարկ Անտոնիոն:

մ.թ.ա. 10 – ծնվել է Հռոմի կայսր Կլավդիոսը:

527 – Հուստինիանոս Ա–ն դարձել է Բյուզանդիայի միակ կառավարողը:

1137 – վախճանվել է Ֆրանսիայի թագավոր Լուի VI–ը:

1192 – Ռիչարդ Առյուծասիրտը վերադարձել է Յաֆայ և հաղթել Սալահ ադ Դինի բանակին:

1291– Շվեյցարիան հռչակել է իր անկախությունը։

1619 – առաջին աֆրիկացի ստրուկները հասցվել են Վիրջինիայի Ջեյմսթաուն քաղաք:

1774– անգլիացի գիտնական Ջոզեֆ Պրիստլին հայտնաբերել է թթվածինը։

1780 – Շվեդիան հայտարարել է իր մշտական չեզոքության մասին:

1831– բացվել է Լոնդոնի կամուրջը:

1834 – Բրիտանական Կայսրությունում վերացվել է ստրկությունը:

1876 – Կոլորադոն դարձել է ԱՄՆ–ի 38–րդ նահանգը:

1914 – Առաջին համաշխարհային պատերազմի ժամանակ Գերմանիան պատերազմ է հայտարարել Ռուսական Կայսրությանը։

1914 – ծնվել է վրացի խորհրդային գրող և բանաստեղծ Գրիգոլ Աբաշիձեն:

1939 – Մոսկվայում բացվել է Ժողովրդական տնտեսության նվաճումների ցուցահանդեսը, ներկայում՝ Համառուսաստանյան ցուցադրությունների կենտրոն:

1944 – Աննա Ֆրանկն իր օրագրում կատարել է վերջին գրառումը։

1946 – դավաճանության մեղադրանքով մահապատժի է ենթարկվել խորհրդային զորահրամանատար, գեներալ Անդրեյ Վլասովը:

1946 – Հունգարիայում մտցվել է ֆորինթ դրամական միավորը:

1954 – ուժի մեջ է մտել Վիետնամում, Լաոսում և Կամբոջայում կրակի դադարեցման պայմանագիրը, Ֆրանսիան ավարտել է իր գաղութային պատերազմը Հնդկաչինում:

1960 – Իսլամաբադը հայտարարվել է Պակիստանի կառավարության դաշնային մայրաքաղաք:

1964 – բելգիական Կոնգոն ստացել է Կոնգոյի Դեմոկրատական Հանրապետություն անունը:

1976 – Տրինիդադ և Տոբագոն հայտարարել է իր անկախությունը:

1981 – ԱՄՆ–ում սկսել է հեռարձակվել MTV հեռուստաընկերությունը։

2004 – Պարագվայի Ասունսյոն քաղաքի սուպերմարկետում ծագած հրդեհի զոհ է դարձել 396 մարդ:

2009 – վախճանվել է Ֆիլիպինների Հանրապետության 11–րդ նախագահ, ասիական երկրների առաջին կին նախագահ Կորասոն Ակինոն:

2020 – ԱՄԷ–ում գործարկել են արաբական աշխարհում առաջին ատոմակայանը:

2021 – վախճանվել է Մուրաբիտուն շարժման առաջնորդ, իսլամի, սուֆիզմի և քաղաքականության մասին գրքերի հեղինակ Աբդուլկադիր աս–Սուֆին (Յան Դալլաս):

2022 – Ուկրաինայում Հատուկ ռազմական գործողության ժամանակ սկսվել է ճակատամարտը Բախմուտի համար:

Մանրամասները՝ «Փաստ» օրաթերթի այսօրվա համարում