Ձև­ա­չա­փը հա­կա­սա­կան է ե­ռյա­կի ներ­սում առ­կա հա­րա­բե­րու­թյուն­նե­րի պատ­ճա­ռով. «Փաստ»

«Փաստ» օրաթերթը գրում է

kommersant.ru-ն «Ադրբեջանա-հայկական բանակցությունները տեղապտույտ են տալիս» վերնագրով հոդվածում գրում է, որ Ադրբեջանն ու Հայաստանը շարունակում են պտտվել բանակցային շրջանակում, որն առաջին անգամը չէ, որ փակվում է Ռուսաստանում հետո նորից բացվելու համար։ Ադրբեջանի և Հայաստանի արտգործնախարարների նոր բանակցությունները, այս անգամ՝ Մոսկվայում, Բաքվի և Երևանի համար դարձան խաղաղության պայմանագրի որոշակի մոտեցման, իսկ Ռուսաստանի համար՝ ազդեցիկ միջնորդի կարգավիճակում մնալու ևս մեկ փորձ։ Կողմերը, սակայն, հեռու են փոխզիջումներից և ընդունում են, որ հանդիպումների հաճախականությունն առանձնապես չի ազդում դրանց արդյունավետության վրա։

Դա հատկապես զայրացնում է Բաքվին, և ադրբեջանական կողմն անընդհատ հասկացնում է, որ իր համբերությունն անսահման չէ։ Առայժմ յուրաքանչյուր հանդիպում, անկախ նրանից, թե որտեղ է այն տեղի ունենում՝ Վաշինգտոնում, Բրյուսելում, թե Մոսկվայում, ավարտվում է ընդհանուր խոսքերով առ այն, որ այն օգտակար էր և որոշակի քայլերով կրճատեց խաղաղության պայմանագրի ճանապարհը։ Սակայն մինչև վերջնական կետին հասնելը մնացած հեռավորությունը անհայտ է մնում։ Կովկասի ինստիտուտի (Երևան) ղեկավար Ալեքսանդր Իսկանդարյանը կարծում է, որ բանակցությունները դեռ շատ հեռու են ավարտի գծից։

«ԵԱՀԿ Մինսկի խումբն իրականում չի աշխատում, բայց այդ բանակցությունները դեռ վարում են Եվրոպան, Ամերիկան և Ռուսաստանը։ Ձևաչափը հակասական է եռյակի ներսում առկա հարաբերությունների պատճառով: Կա խանդ, անհամաձայնություն և այլն։Հետևաբար, չպետք է լավատես լինել։ Միգուցե դա այդպես չէ, և ինչ-որ թղթի ստորագրում, այնուամենայնիվ, կլինի։ Բայց նույնիսկ այդ դեպքում հավանականն այն է, որ նման տարբեր մոտեցումներով ստորագրված խաղաղությունը գետնի վրա փոփոխությունների չի հանգեցնի»,- ասել է փորձագետը kommersant.ru-ին տված հարցազրույցում։

Մանրամասները՝ «Փաստ» օրաթերթի այսօրվա համարում