2016թ.-ի առաջին մահվան ելքով վթարը. ինչ վիճակում են գտնվում տուժածները

Shabat.am-ը գրում է.

Երեկ՝ հունվարի 8-ին, Երևան-Սևան ավտոճանապարհին  2016թ.-ի առաջին մահվան ելքով ավտովթարի զոհը  Երևան քաղաքի բնակիչ 1989թ.-ին ծնված Էդգար Բալտերյանն է, ով Սևանի բժշկական կենտրոն տեղափոխման ճանապարհին մահացել է:

Ավտովթարի հետևանքով տուժածներից մեկը Արարատի մարզի բնակիչ 1991թ.-ին ծնված Վահե Ղազարյանն է:

«Նա չի ընդունվել հիվանդանոց, նրան ընդունարանում ամբուլատոր կարգով օգնություն է ցուցաբերվել: Հիվանդի մոտ եղել են  աջ նախաբազկի վերին երրորդականի քերծվածքներ»,-Shabat.am-ին փոխանցեց Սևանի բժկական կենտրոնի տնօրեն Վարուժան Մանուկյանը:

Ավտովթարի հետևանքով մյուս երկու տուժածները՝Սարգիս Հայրապետյանը և Դավիթ Մանուկյանը,  տեղափոխվել են Հրազդանի բժշկական կենտրոն, այնուհետև Երևանի թիվ մեկ հիվանդանոցային համալիր:

Սարգիս Հայրապետյանը գանգուղեղային կոտրվածքով տեղափոխվել է վերակենդանացման բաժանմունք, այս պահին նա գտնվում է ներովիրաբուժության բաժանմունքում: Վիճակը միջին ծանրության է:

Հիշեցնենք, որ երեկ՝ հունվարի 8-ին, ողբերգական ավտովթար է տեղի ունեցել Կոտայքի մարզում: Ժամը 21:30-ի սահմաններում Երևան-Սևան ավտոճանապարհի 47-րդ կմ հատվածում բախվել են Արարատի մարզի Այնթապ գյուղի բնակիչ Վարդան Ղեվոնդյանի վարած Mitsubishi Pajero IO մակնիշի 34 ՏD 456 համարանիշի և Երևանի բնակիչ Սասուն Ավագյանի վարած բեռնատար Volvo մակնիշի 382 ՏՍ 58 համարանիշի ավտոմեքենաները:

Վթարի հետևանքով 4 հոգի մարմնական վնասվածքներով տեղափոխվել են` 2-ը Հրազդանի, 2-ը` Սևանի բժշկական կենտրոններ: Հիվանդանոց տեղափոխվածներից 1 հոգի մահացել է: