Ուզբեկստանում Սահմանադրության հանրաքվե է անցկացվում

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Այսօր՝ ապրիլի 30-ին, Ուզբեկստանում անցկացվում է Սահմանադրության տեքստում փոփոխությունների հանրաքվե, գրում են միջազգային ԶԼՄ-ները։

Ուզբեկստանի պետական ​​լրատվամիջոցների փոխանցմամբ՝ Ուզբեկստանի նոր սահմանադրության հանրաքվեն մեկնարկել է տեղական ժամանակով՝ 08։00-ին։

Մինչ քվեարկությունը սկսելը՝ ընտրատեղամասերում երաժշտություն է հնչել։ Տեղամասային հանձնաժողովների անդամները դիտորդների ներկայությամբ կնքել են քվեատուփերը։ Այնուհետ հնչել է Ուզբեկստանի օրհներգը, և ընտրատեղամասերը բաց են հայտարարվել։

Ընտրատեղամասերում դրված է գործող Սահմանադրությունը և Հիմնական օրենքի նոր տարբերակի նախագիծը, ինչպես նաև առաջարկվող տարբերակի վերաբերյալ 100 հարց ու պատասխանի ժողովածու։

Համապետական ​​քվեարկության քվեաթերթիկը պարունակում է միայն մեկ հարց. «Դուք ընդունո՞ւմ եք «Ուզբեկստանի Հանրապետության Սահմանադրության մասին» Ուզբեկստանի Հանրապետության սահմանադրական օրենքը», որին պետք է պատասխանել «այո» կամ «ոչ»:

Տեղադրվել են Սահմանադրության առաջարկվող խմբագրության առանձին դրույթներով և փաստաթղթի նախագծի ամբողջական տեքստով ստենդեր։

Որոշ ընտրատեղամասեր պատրաստել են հանրաքվեի տարբերանշանով գլխարկներ և շապիկներ առաջին անգամ քվեարկող երիտասարդների համար։

Սահմանադրության փոփոխությունների նախագիծը երկու լեզվով հրապարակվել է «Սա իմ Սահմանադրությունն է» պորտալում 2022 թվականի հունիսի 25-ին։