Երկրպագուն դաժան ծեծի է ենթարկել հեռուստալրագրողուհուն (լուսանկարներ)

«Россия 1» հեռուստաընկերության լրագրողուհի 27-ամյա Յուլիա Բոնդարյովային դաժան ծեծի են ենթարկել Եսենտուկիում,-տեղեկացնում է Past.am-ը։ Աղջիկը քրոջ հետ մեկնել էր գործուղման և այնտեղ մի ծանոթ 38-ամյա տղամարդու տանը սենյակ վարձել։

«Ես նրա հետ գործով շատ էի հանդիպել։ Միշտ նրա տանը սենյակ էինք վարձում, երբ գալիս էինք գործուղման»,- պատմում է նա։ Տղամարդը սկսել է սիրահետել Յուլիային, ամուսնության առաջարկ է արել նրան։ Աղջիկը նրան մերժել է, քանի որ գարնանն այլ տղայի հետ ամուսնանալու է։ Յուլիայի քույրը պատմում է, որ երբ տղամարդը կրկին Յուլիային ամուսնության առաջարկ է արել, նա բարկացել է, սկսել իրերը հավաքել, որ հեռանա։

Դենիսը հանկարծ հարձակվել է նրա վրա ու սկսել է խփել գլխին։ Յուլիայի քույրը՝ Աքսանան, փորձել է միջամտել, սակայն ինքն էլ է հարված ստացել։ Յուլիային ծեծելուց հետո Դենիսը փախել է, Աքսանան էլ ոստիկանություն է կանչել։ Այդ ժամանակ Յուլիան արդեն անգիտակից վիճակում էր։

Այսօր Յուլիան հիվանդանոցում է՝ դեմքի բազմաթիվ կոտրվածքներով։ Հանցագործին դեռ չեն հայտնաբերել, աղջիկները վախենում են, որ նա կարող է կրկին հայտնվել հիվանդանոցում ու վնասել աղջկան։ Դեպքի առթիվ ոստիկանները քրեական գործ են հարուցել, նրանք փնտրում են հանցագործին։ Իսկ Յուլիային դեռ երկար բուժում, ինչպես նաեւ մի շարք պլաստիկ վիրահատություններ են սպասվում։