ՊԱՏՄՈՒԹՅԱՆ ԱՅՍ ՕՐԸ (23 ՄԱՐՏԻ)․ Երևանում կայացել է «Մոսկվայի տան» բացումը․ «Փաստ»

«Փաստ» օրաթերթը գրում է

ՏՈՆԵՐ ԵՎ ՀԻՇԱՐԺԱՆ ՕՐԵՐ

Օդերևութաբանության համաշխարհային օր, Բոլիվիա՝ Ծովի օր, Զամբիա՝ Աֆրիկայի օր, Հունգարիա և Լեհաստան՝ Հունգարա-լեհական բարեկամության օր:

ՀԱՅ-ՀԱՅԱՍՏԱՆ

1307 - կաթողիկոս է օծվել Կոնստանդին Գ Կեսարացին:

1869- ծնվել է գործարար և բարեգործ Գալուստ Գյուլբենկյանը:

1874 –ծնվել է գեղանկարիչ, գրաֆիկ Տիգրան Փոլատը:

1914 –ծնվել է հայ խորհրդային մեխանիկ, գիտնական Արթուր Սողոմոնյանը:

1923 - վախճանվել է Հովհաննես Թումանյանը:

1937- ՀԽՍՀ խորհուրդների 9-րդ արտակարգ համագումարում ընդունվել է ՀԽՍՀ նոր Սահմանադրությունը, որի հիմքում ընկած են եղել ԽՍՀՄ 1936 թվականի Սահմանադրության սկզբունքները։

1966- ստեղծվել է ՀԽՍՀ ռադիոյի և հեռուստատեսության սիմֆոնիկ նվագախումբը Օհան Դուրյանի ղեկավարությամբ:

1988- ԼՂԻՄ-ում, մասնավորաբար Ստեփանակերտում սկսվել են բազմօրյա գործադուլներ՝ ԼՂԻՄ-ը Հայաստանին միացնելու պահանջով: -հայտնի իրավապաշտպան Անդրեյ Սախարովը նամակ է հղել Գորբաչովին, որտեղ կոչ է արել գտնել Ղարաբաղի հարցի լուծման «վճռական, դեմոկրատական և սահմանադրական» եղանակ:

2004-Ռուսաստանի խոշորագույն պետական բանկերից մեկը՝ «Վնեշտորգբանկը» դարձել է «Հայխնայբանկի» բաժնետոմսերի 70 տոկոսի սեփականատեր։

2007- Երևանի քաղաքապետ Երվանդ Զախարյանն ու Մոսկվայի քաղաքապետ Յուրի Լուժկովը Հայաստանի մայրաքաղաքում բացել են «Մոսկվայի տունը»:

2009-Երևանի Կենտրոն և Նորք-Մարաշ համայնքների առաջին ատյանի դատարանը 3 տարվա ազատազրկման է դատապարտել Հայաստանի գլխավոր դատախազի նախկին տեղակալ Գագիկ Ջհանգիրյանին:

2009 –վախճանվել է քանդակագործ Ղուկաս Չուբարյանը:

2015-Գառնիում ավելի քան 2 հազար բնակիչ ստորագրահավաքով պահանջել է դադարեցնել Քաղցրաշենի ինքնահոս ոռոգման համակարգի կառուցումը՝ նշելով, որ այն պատուհաս կդառնա Գառնիի կիրճի, Ազատ գետի և գյուղի բնության համար։

2016 –վախճանվել է օպերային երգիչ Գեղամ Գրիգորյանը:

2021-Մոտ մեկ ամիս Բաղրամյան պողոտան փակ պահելուց հետո «Հայրենիքի փրկության շարժումը» բացել է այն, իսկ Դեմիրճյան փողոցում տեղակայված վրանային ճամբարը վերափոխվել է շարժման շտաբի։

2022- Ծովագյուղի և Սեմյոնովկայի բնակիչները երկկողմանի փակել են Երևան– Սևան մայրուղին՝ բողոքելով համայնքների խոշորացման դեմ:

ԱՇԽԱՐՀ

1749 -ծնվել է ֆրանսիացի աստղաբան, մաթեմատիկոս Պիեռ Սիմոն Լապլասը:

1769 –ծնվել է անգլիացի երկրաբան և քարտեզագիր Ուիլ յամ Սմիթը:

1801 - Սանկտ Պետերբուրգում սպանվել է Ռուսաստանի ցար Պավել 1-ինը:

1841 -Լոնդոնում Ռիչարդ Բիերդը բացել է Եվրոպայում առաջին ֆոտոսրահը:

1842 –վախճանվել է ֆրանսիացի գրող Ստենդալը:

1848 - Հունգարիան հայտարարել է իր անկախությունը Ավստրիայից:

1857 - առաջին վերելակն է տեղադրվել Նյու Յորքում՝ Բրոդվեյ սիթի- 488 հասցեում:

1876 - ռուս գիտնական Պավել Յաբլոչկովը արտոնագրել է իր ստեղծած էլեկտրական լամպը:

1891 - Անգլիայում առաջին անգամ ֆուտբոլային դարպասի համար օգտագործվել է ցանց:

1910 - ծնվել է ճապոնացի նշանավոր ռեժիսոր Ակիրա Կուրոսավան:

1919 - Միլանում լրագրող Բենիտո Մուսոլինին հիմնել է իր ֆաշիստական քաղաքական կուսակցությունը:

1956 – հռչակվել է առաջին իսլամական հանրապետությունը` Պակիստանը:

1966 -400 տարվա ընդմիջումից հետո Հռոմում հանդիպել են Հռոմի պապը և Կենտրբերիի արքեպիսկոպոսը:

1983 -ելույթ ունենալով ազգային հեռուստատեսությամբ՝ ԱՄՆ-ի նախագահ Ռոնալդ Ռեյգանը առաջին անգամ խոսել է Ստրատեգիական պաշտպանական առավելության ծրագրի մշակման մասին:

1992 –վախճանվել է ավստրիացի տնտեսագետ Ֆրիդրիխ ֆոն Հայեկը:

1994 - Սիբիրում վթարի է ենթարկվել Airbus A310 ինքնաթիռը, որի հրամանատարը ղեկը հանձնել էր իր անչափահաս որդուն, զոհվել է 75 մարդ:

2001- «Միր» տիեզերական կայանը խորտակվել է Խաղաղ օվկիանոսում՝ Ֆիջի կղզու մոտակայքում: 2011 –վախճանվել է անգլիացի դերասանուհի Էլիզաբեթ Թեյլորը:

2013 –վախճանվել է ռուս գործարար, մաթեմատիկոս, միլիարդատեր Բորիս Բերեզովսկին:

2019 -Ղազախստանի նախագահ ԿասիմԺոմատ Տոկաևը երկրի մայրաքաղաքը վերանվանել է Նուրսուլթան՝ ի պատիվ նախկին նախագահի:

Մանրամասները՝ «Փաստ» օրաթերթի այսօրվա համարում