Տարբեր երկրների ավանդական սուրբծննդյան ուտեստները

1in.am-ը գրում է .

Սուրբ ծնունդը ամբողջ աշխարհում քրիստոնեական տոներից ամենասիրվածն ու սպասվածն է: Շատերի համար այն ասոցացվում է երջանկության, ուրախության ու բարձր տրամադրության հետ, գրում է kleo.ru-ն:

Ամեն երկիր ունի իրեն հատուկ ավանդական ուտեստները:

Անգլիայում Սուրբ ծնունդը դիմավորում են հաղարջի սոուսով մատուցվող հնդկահավով, որի հետ մատուցվում է բրյուսելյան կաղամբ, տապակած կարտոֆիլ ու խաշած կամ գոլորշու վրա եփված բանջարեղեն:

Ավանդական սուրբծննդյան խմիչքներից անգլիացիները նախընտրում են տաք էլը:

Ֆրանսիայում սուրբծննդյան ավանդական ուտեստը հատուկ բաղադրատոմսով պատրաստված հնդկահավն է կոնյակով, սերուցքով, շագանակները, սագի լյարդից պաշտետը, պանիրների բազմաթիվ տեսակներ:

Գերմանիայում գլխավոր սուրբծննդյան ուտեստը խնձորով, սև սալորով ու կաղամբով սագն է, սերուցքով թառափը, թթու կաղամբով խոզի միսը, տնային պիրոգները: սեղանին պետք է լինի 7-9 ուտեստ:

Իտալիայում սեղանի անբաժան մասն է խոզի մսից պատրաստված կոտեկինո երշիկը, որը մատուցվում է տանձով, սոխով ու բազմաթիվ համեմունքներով: Սեղանին մատուցվում են փոքրիկ տորտելլինի պելմենիներ, խոզի ոտքեր՝ ջամպոնե ու ավանդական մածուկ:

Իսպանիայում տապակում են ոչխար, մատուցում հնդկահավ, խոզի գոճի ու ծովային մթերքներից ուտեստ:

Դանիայում սեղանին մատուցվում է սուրբծննդյան տապակած սագ՝ կարտոֆիլով, կարմիր կաղամբով ու սոուսով:

Հոլանդիայում սուրբծննդյան սեղանին մատուցվում է ավանդական տավարի, ճագարի, հնդկահավի միս: Մսային ուտեստները մատուցվում են տաբեր բանջարեղենների, աղցանների, մրգերի ու սոուսների հետ:

Նովեգիայում մատուցվում են ձկնային ուտեստներ, ոչխարի ու խոզի մսեր, խոզի մսի տապակա, խաշած կարտոֆիլ:

Շվեդիայում Սուրբ ծննդին մատուցվում է մարինացված սելդ, մսային ուտեստներ կաղամբով ու հատապտղային սոուսով:

Բելգիայում մատուցվում է վարազի միս, հորթի երշիկ տրյուֆելով, սուրբծննդյան տորթ ու տարբեր գինիներ:

Պորտուգալիայում ուտում են բակկալաո, որի հետ խմում են քաղցր պորտվեյն:

Շվեյցարիայում շատ տարածված է պանրային ֆոնդյուն, որի համար օգտագործում են պանրի 3-4 հատուկ տեսակներ:

Հունաստանում պատրաստում են գինու մեջ եփված հնդկահավ ու ավանդական կարկանդակ:

Արգենտինայւմ սուրբծննդյան երեկոն սկսվում է տապակած սիրամարգի, խոզի կամ հնդկահավի մսի մատուցմամբ: