Հնարավոր է` մինչև տարվա վերջ ստորագրել խաղաղության պայմանագիրը, եթե Ադրբեջանը դրական արձագանքի. Արմեն Գրիգորյան

Դարձի՛ր gg-ի գործընկերը և վաստակիր մինչև 1.000.000 դրամ 

Պարզապես անցիր ԱՅՍ հղումով և լրացրու օնլայն հայտը՝  https://bit.ly/ggPartner_past-am

Հայաստանն իր ամբողջ կարողություններն օգտագործում է, որ Լաչինի միջանցքը բացվի, այսօր լրագրողների հետ զրույցում հայտարարեց ՀՀ անվտանգության խորհրդի քարտուղար Արմեն Գրիգորյանը։

«Հայաստանն իր ամբողջ կարողություններն օգտագործում է, որպեսզի կարողանա օգտագործել բոլոր այն հնարավոր գործիքները , որոնք առկա են, որպեսզի Լաչինի միջանցքը վերադառնա իր բնականոն հունին։ ՄԱԿ ԱԽ նիստում քննարկվել է հարցը, հասցեական կոչեր են եղել, պետք է շարունակել աշխատել այս ուղղությամբ», - նշեց Գրգորյանը։

Նա ասաց, թե այս պահին Լաչինի միջանցքի մասով Հայաստանն աշխատում է միայն միջազգային հանրության հետ։

Խոսելով խաղաղության պայմանագրի մասին՝ ՀՀ ԱԽ քարտուղարն ասաց, թե հնարավոր է մինչև տարվա վերջ ստորագրել պայմանագիրը, եթե Ադրբեջանը դրական արձագանքի։

«Կախված է Ադրբեջանից, Հայաստանը շարունակում է ջանքեր գործադրել տարածաշրջանում խաղաղություն հասատատելու ուղղությամբ ու, այս առոմով, ՀՀ-ն իր քայլը կատարել է», - նշեց նա՝ ընդգծելով՝ ստեղծված ճգնաժամը ևս մեկ անգամ ցույց է տալիս Ադրբեջանի ոչ կոնստրուկտիվ, ապակառուցողական դերը տարածաշրջանում։

«Երբ որ խաղաղության բանակցություններ են ընթանում, Ադրբեջանը փակում է Լաչինի միջանցքը։ Ադրբեջանի իշխանությունն է այդ շրջափակումը կազմակերպել, իրավիճակը շարունակում է մնալ ճգնաժամային», - ասաց Արմեն Գրիգորյանը։