Միջազգային հանրությունը պետք է անվերապահորեն դատապարտի Ադրբեջանի աղաղակող սադրանքը. Բրեդ Շերման

Դարձի՛ր GG-ի գործընկերը և վաստակիր մինչև 1.000.000 դրամ

Պարզապես անցիր ԱՅՍ հղումով և լրացրու օնլայն հայտը՝  https://bit.ly/ggPartners_past_am

Միացյալ Նահանգները պետք է լինի այդ ջանքերի առաջատարը՝ ձեռնարկելով Արցախի եւ Հայաստանի դեմ Ադրբեջանի ագրեսիան զսպելու իրական քայլեր։ Այս մասին ասել է ամերիկացի կոնգրեսական Բրեդ Շերմանը։

«Ես խորապես անհանգստացած եմ այս պահին Արցախում ծավալվող հումանիտար աղետի մասին տեղեկություններից՝ հայ ժողովրդի դեմ Ադրբեջանի ագրեսիայի շարունակվող եւ չթուլացող գործողությունների հետեւանքով։

Տեղեկացվել է, որ Ադրբեջանը փակել է Արցախը Հայաստանի հետ կապող եւ սննթամթերքը, դեղորայքը եւ կենսականորեն կարեւոր այլ ռեսուրսները շրջան հասցնելու միակ եւ հիմնական ճանապարհը։ Արդյունքում՝ 120 000 արցախահայերի կյանքը եւ խաղաղության հեռանկարը տարածաշրջանում մնում են լրջորեն վտանգված։

Միջազգային հանրությունը պետք է անվերապահորեն դատապարտի այս աղաղակող սադրանքը եւ ձեռնարկի բոլոր հասանելի եւ անհրաժեշտ քայլերը՝ աջակցելու համար հայ ժողովրդին այս ծայրահեղ իրավիճակում։ Միացյալ Նահանգները պետք է լինի այս ջանքերի առաջատարը՝ ձեռնարկելով Արցախի եւ Հայաստանի դեմ Ադրբեջանի ագրեսիան զսպելու իրական քայլեր, սկսած 907-րդ հոդվածի կիրառումից։

Սա եւս մեկ ցավագին պահ է հայ համայնքի համար, քանի որ նա շարունակում է բախվել Ադրբեջանի չդադարող ագրեսիային 2020թ. պատերազմից հետո։ Սակայն ես իմ աչքով եմ տեսել հայ ժողովրդի տոկունությունն ու վճռականությունը, եւ ես միշտ աջակցելու եմ Հայաստանի եւ Արցախի ժողովրդին, քանի որ մենք շարունակում ենք միասին պայքարել Հայաստանի եւ Արցախի դեմ հարձակումները դադարեցնելու համար»,- նշվել է հայտարարությունում։