Հայաստանին դրսից ոչ մեկ չի օգնելու, մեկ վայրկյան առաջ պետք է Ադրբեջանի հետ համաձայնագիրը ստորագրի. Չավուշօղլու

Դարձի՛ր GG-ի գործընկերը և վաստակիր մինչև 1.000.000 դրամ

Պարզապես անցիր ԱՅՍ հղումով և լրացրու օնլայն հայտը՝  https://bit.ly/ggPartners_past_am

Թուրքիայի ԱԳ նախարար Մեւլութ Չավուշօղլուն անդրադարձել է Հայաստանի եւ Թուրքիայի միջեւ հարաբերությունների կարգավորման թեմային։

Թուրքական Anadolu–ի փոխանցմամբ՝ Թուրքիայի ԱԳ նախարար Մեւլութ Չավուշօղլուն հայտնել է, թե հայ–թուրքական հարաբերությունների կարգավորման մեջ Թուրքիան վստահություն բարձրացնող քայլեր է արել՝ փոխադարձ բացելով օդային հաղորդակցությունը երկու երկրների միջեւ, ինչպես նաեւ առաջիկայում նաեւ օդային բեռնափոխադրումները։

«Թուրքիան եւ Ադրբեջանը քանի որ անկեղծ են, նույնպիսի անկեղծություն են ակնկալում Հայաստանից։ Որպես Հարավային Կովկասի երկրներ, մենք պետք է մեր խաղաղության եւ կայունության համար քայլեր անենք»,–ասել է Չավուշօղլուն։

Թուրքիայի ԱԳ նախարարը՝ ակնարկելով Հայաստանին, ասել է, թե այստեղ ոչ մեկ դրսից, Արեւմուտքից, Արեւելքից որեւէ բան չի ստանա՝ կոչ անելով Հայաստանին վայրկյան առաջ Ադրբեջանի հետ ստորագրել խաղաղության համաձայնագիրը։

Անդրադառնալով «Լաչինի միջանցքի» թեմային, Չավուշօղլուն խոսել է խաղաղապահների դերի մասին՝ շեշտել է, թե ռուսներին է վերապահված խաղաղապահ միջնորդությունը եւ նրանք պետք է հետամուտ լինեն, որ ադրբեջանցի մասնագետների ստուգումները հանքաարդյունաբերության կենտրոններում որեւէ մեկը չարգելի։  «Այստեղ գլխավոր պարտականությունը ռուսներին է։ Քանի որ իրենք են ուղիղ ձեւով պատասխանատու Լաչինի միջանցքի գործունեության համար»,–ասել է Չավուշօղլուն։

Նշենք, որ ավելի վաղ հայտնել էինք, որ Թուրքիայի ԱԳ նախարար Մեւլութ Չավուշօղլուն պնդել էր, թե Հայաստան–Արցախ միջանցքը փակելու հարցում Թուրքիան աջակցում է Ադրբեջանին։