Փրկարարներն ավտոմեքենաները դուրս են բերել արգելափակումից

Armlur.am-ը գրում է.

Հունվարի 4-ին, ժամը 05.45-ին ահազանգ է ստացվել, որ Արտաշատի խճուղում` Նորագավիթի ՃՈ նախկին հենակետի մոտակայքում, «ՎԱԶ-2121» մակնիշի ավտոմեքենան խափանվել է. ճանապարհի երթևեկելի հատվածից անվտանգ տարածք դուրս բերելու համար անհրաժեշտ է փրկարարների օգնությունը: Դեպքի վայր է մեկնել մեկ մարտական հաշվարկ: Հրշեջ-փրկարարները «ՎԱԶ-2121» մակնիշի 30SS562 պ/հ ավտոմեքենան (վարորդ՝ Գ. Մ.) ճանապարհի երթևեկելի հատվածից դուրս են բերել անվտանգ տարածք:

***

Հունվարի 4-ին, ժամը 01.33-ին ահազանգ է ստացվել, որ Լոռու մարզի Արմանիս գյուղի մոտակայքում «Nissan» մակնիշի M813RR70 պ/հ ավտոմեքենան արգելափակվել է ձյան մեջ. դուրս բերելու համար անհրաժեշտ է փրկարարների օգնությունը: Դեպքի վայր է մեկնել մեկ մարտական հաշվարկ, սակայն արգելափակվել են ձյան մեջ, հրշեջ-փրկարարները ճանապարհի մնացած մասը (մոտ 1 կմ) շարունակել են ոտքով (կանչի վայր ժ.01:48-ին): Հրշեջ-փրկարարներն արգելափակումից դուրս են բերել ավտոմեքենան (3 ուղևոր):

***

Հունվարի 4-ին, ժամը 01.10-ին ահազանգ է ստացվել, որ Գավառ-Մարտունի ավտոճանապարհին ավտոմեքենաներն արգելափակվել են ձյան մեջ. դուրս բերելու համար անհրաժեշտ է փրկարարների օգնությունը: Դեպքի վայր է մեկնել մեկ մարտական հաշվարկ: Հրշեջ-փրկարարները՝ «Գավառի» ՃՇՇ-ի աշխատակիցների հետ համատեղ, արգելափակումից դուրս են բերել 12 մարդատար ավտոմեքնա (27 ուղևոր):

***

Հունվարի 4-ին, ժամը 01.05-ին ահազանգ է ստացվել, որ Երևանի Դավիթաշեն թաղամասի գերեզմանատան մոտակայքում «ԳԱԶել» մակնիշի ավտոմեքենան արգելափակվել է փոսի մեջ. անհրաժեշտ է փրկարարների օգնությունը: Դեպքի վայր է մեկնել մեկ մարտական հաշվարկ և ՀՆՓԱԻԿ փրկարար ջոկատը: Փրկարարները «ԳԱԶել» մակնիշի 4754S պ/հ ավտոմեքենան (վարորդ՝ Դ. Ա.) դուրս են բերել արգելափակումից: