ՊԱՏՄՈՒԹՅԱՆ ԱՅՍ ՕՐԸ (6 ԴԵԿՏԵՄԲԵՐԻ). Արգելվել է ստրկությունը, պայթել է ռազմամթերք տեղափոխող նավ, ինքնաթիռն ընկել է բնակելի շենքի վրա. «Փաստ»

«Փաստ» օրաթերթը գրում է

ՏՈՆԵՐ ԵՎ ՀԻՇԱՐԺԱՆ ՕՐԵՐ

Ֆինլանդիա՝ Անկախության օր, Բուլղարիա՝ Նիկուլի օր, Իսպանիա՝ Սահմանադրության օր, Ղազախստան՝ Դատախազության օր, Ուկրաինա՝ Զինված ուժերի օր, Էկվադոր՝ Մայրաքաղաք Կիտոյի օր:

ՀԱՅ-ՀԱՅԱՍՏԱՆ

1882 –վախճանվել է Ամենայն հայոց կաթողիկոս Գևորգ Դ Կոստանդնուպոլսեցին (Քերեստեճյան)։

1918- ավարտվել է թուրքական զորքերի էվակուացիան Ադրբեջանից և Հայաստանից:

1956– վախճանվել է նշանավոր գրող, հրապարակախոս Դերենիկ Դեմիրճյանը։

1958- Հայաստանի Գերագույն խորհրդի հրամանագրով Միկոյանի շրջանը և համանուն ավանը վերանվանվել են Եղեգնաձոր։

1970 - վախճանվել է բանաստեղծ, ճարտարապետ Ռուբեն Աղաբաբյանը:

1985 - վախճանվել է արձակագիր, դրամատուրգ Միքայել Շաթիրյանը:

2002 - վախճանվել է քանդակագործ Ռուզան Քյուրքչյանը:

2008-նախագահ Սերժ Սարգսյանի հրամանագրով Նիկոլայ Ռիժկովին շնորհվել է «Հայաստանի Ազգային հերոս» բարձրագույն կոչումը:

2011-Սամվել Նիկոյանը ընտրվել է Ազգային ժողովի նախագահ:

2014 - վախճանվել է պատմաբան Լավրենտի Բարսեղյանը:

2015 – կայացել է սահմանադրական փոփոխությունների հանրաքվե:

2018-«Ինտերպոլի» աջակցությամբ Պրահայում հայտնաբերվել է միջազգային մակարդակով հետախուզվող Նարեկ Սարգսյանը՝ Հայաստանի նախկին նախագահ Սերժ Սարգսյանի եղբայր Ալեքսանդր Սարգսյանի որդին:

ԱՇԽԱՐՀ

1185 -վախճանվել է Պորտուգալիայի առաջին թագավոր Ալֆոնս 1-ին Էնրիկեշը:

1534– հիմնադրվել է Էկվադորի մայրաքաղաք Կիտոն։

1741 -Ռուսաստանում տեղի է ունեցել հեղաշրջում, որի արդյունքում թագուհի է դարձել Ելիզավետա Պետրովնան:

1771 -վախճանվել է իտալացի բժիշկ Ջովաննի Բատտիստա Մորգանին, որը հանդիսանում է պաթանատոմիայի հիմնադիրը:

1778– ծնվել է ֆրանսիացի ֆիզիկոս և քիմիկոս Ժոզեֆ Լուի Գեյ-Լյուսակը, որի անունով է կոչվում գազային օրենքներից մեկը:

1779-վախճանվել է ֆրանսիացի գեղանկարիչ Ժան Բատիստ Սեմեոն Շարդենը:

1855- վախճանվել է գերմանացի բանկիր Ամշել Ռոտշիլդը՝ Ռոտշիլդների դինաստիայի հիմնադիրը:

1865– ԱՄՆ-ում Սահմանադրությամբ արգելվել է ստրկությունը։

1892 –վախճանվել է ինժեներ, գյուտարար և գործարար Վերներ ֆոն Սիմենսը՝ Siemens AG ընկերության հիմնադիրը:

1912 -եգիպտական Ամարնեում պեղումների ժամանակ հայտնաբերվել է Նեֆերտիտիի կիսանդրին:

1917-Ֆինլանդիայի խորհրդարանը որոշում է ընդունել դուրս գալ Ռուսաստանի կազմից և ստեղծել անկախ պետություն:

1917– Կանադայի Նոր Շոտլանդիա նահանգի Հալիֆաքս քաղաքում պայթել է ռազմամթերք տեղափոխող նավը, ինչի հետևանքով զոհվել է մոտ 2 000 մարդ։

1922– Իռլանդիան անկախացել է Միացյալ Թագավորությունից։

1989 -տեղի է ունեցել Մոնրեալի պոլիտեխնիկական ինստիտուտի սպանդը, որի արդյունքում զոհվել է 15 անձ՝ ներառյալ կրակողը, վիրավորվել է 14-ը:

1991-կազմավորվել են Ուկրաինայի ղինված ուժերը:

1997- Ռուսաստանի օդուժի ռազմատրանսպորտային Ан-124 ինքնաթիռը Իրկուտսկում ընկել է բնակելի շենքի վրա, որի արդյունքում զոհվել է 72 մարդ:

2000 -հայտնագործվել է պարբերական աղյուսակի 116 ատոմային համարով էլեմենտը՝ Լիվերմորին:

2017 -վախճանվել է ֆրանսիացի ռոք-երգիչ, կոմպոզիտոր և դերասան Ջոննի Հոլլիդեյը:

Մանրամասները՝ «Փաստ» օրաթերթի այսօրվա համարում