5 այլընտրանքային էներգիայի աղբյուր, որոնք կփոխարինեն նավթին

ՖՈՏՈ 2 Հունվար, 2016 15:05

ITER ջերմամիջուկային ռեակտոր

Ինչ էլ ասեն, ապագան ջերմամիջուկային էներգիայինն է: Միջազգային փորձնական ջերմամիջուկային ռեակտորը (ITER) կարող է միանգամից էներգիայով ապահովել 2-3 երկիր: Դա կաշխատի աստղի ներսում տեղի ունեցող պրոցեսների սկզբունքով:

Սկզբում պլանավորված է եղել ջերմամիջուկային ռեակտորը գործարկել 2016 թվականին: Այժմ ժամկետը հետաձգվել է մինչև 2030 թվականը, իսկ այն էներգետիկ ցանցին միացնել կհաջողվի միայն 2040 թվականին: Սակայն սպասվում է, որ արդյունքը կգերազանցի բոլոր սպասելիքները:

Ալիքային էլեկտրակայաններ

Ծովի ալիքից էլեկտրականություն ստանալու գաղափարը նոր չէ: Դա արտոնագրվել է 1799 թվականին, սակայն միայն 2008 -ին է Պորտուգալիայում կառուցվել առաջին ալիքային էլեկտրակայանը` 2.25 ՄՎտ հզորությամբ: Դա այնքան էլ շատ չէ, սակայն դրա պոտենցիալը գնահատել է ողջ աշխարհը:

Այսօր արդեն ալիքային էլեկտրակայաններ կառուցվել են տասնյակ երկրներում, այդ թվում` Ռուսաստանում:

Ջրիմուռները որպես էներգիայի այլընտրանքային աղբյուր

Էներգիա ստանալու երրորդ մեթոդը դարձել են ջրիմուռները: Ավելի շուտ մեթանը, ինչը անջատվում է նրանց մշակումից:

Դա կատարվում է հետևյալ ձևով: Հավաքված ջրիմուռները տեղավորում են հատուկ բակտերիաներով ռեզերվուարի մեջ, որտեղ սկսվում է խմորումը և անջատվում է մեթանը, որն անմիջապես ուղարկվում է էլեկտրագեներատոր:

Այդ մեթոդով ստացված էլեկտրաէներգիան չի կարող ձմեռը տները տաքացնել: Սակայն Ճապոնիայի համար, որտեղի իշխանությունները ծովափերը մաքրում են բուսականությունից, այդ մեթոդը կարող է հետ գնել կատարված ծախսերը:

Ինչպես վիրուսները էներգիա կարտադրեն

Պատկերացրեք, որ միկրոսկոպիկ վնասատուներին կարելի է սովորեցնել աշխատելու քաղաքակրթության օգտին: Այսինքն՝ արդեն սովորեցրել են: ԱՄՆ-ի գիտնականները կարողացել են ստեղծել M13 վիրուսը, որը, հպվելով իրենով վարակված մակերևույթին, ստեղծում է էներգիայի փոքր լիցք: Ճիշտ է, էներգիան այնքան էլ մեծ չի լինի, սակայն դա արդեն մեծ առաջընթաց է գիտության համար:

Հողի ընդերքի էներգիան

Միակ բանը, ինչի համար արժե փորել հողը, դա նավթն ու գազն է, սակայն արդեն ոչ հեռու ապագայում գեոջերմային կայանները կմրցակցեն դրանց հետ: Գեոջերմային կայանները տեղադրում են հրաբուխների մոտ: Էներգիան ստանում են ոչ թե մագմայից, այլ եռացող ջրից, որը դուրս է գալիս գեյզերների մակերևույթ:

Հողի ընդերքի էներգետիկական պոտենցիալը ալիքային էներգիայի նման բարձր չէ: Սակայն այսօր այդպիսի սարքեր տեղադրված են Իսլանդիայում, Ինդոնեզիայում, Ճապոնիայում ու այլ երկրներում և բավականին լավ այդ երկրներն ապահովում են էներգիայով: