Լիճք գյուղը հրաժեշտ է տվել իր հերոսացած զավակ Արթուր Մարգարյանին

Շուտով ջեռուցման սեզոնն է, իսկ էլ. էներգիայի համար վճարում եք չափազանց շատ։ Իսկ դուք գիտե՞ք, որ այսուհետ էլ. էներգիան յուրաքանչյուր ընտանիքում կարող է լինել անվճար։ Սեղմեք և ծանոթացեք պայմաններին` ԱՅՍՏԵՂ

Գեղարքունիքի մարզի Մարտունի համայնքի Լիճք գյուղում է հուղարկավորվել այս տարվա սեպտեմբերի 13-ին Ադրբեջանի կողմից ձեռնարկված ագրեսիայի հետեւանքով զոհված  Արթուր Գվիդոնի Մարգարյանը։

Ինչպես «Արմենպրես»-ին տեղեկացրեց Լիճքի հիմնական դպրոցի տնօրեն Գագիկ Մկրտչյանը, Արթուր  Մարգարյանը ծնվել է  2002 թվականի հուլիսի 19-ին, Գեղարքունիքի մարզի Լիճք գյուղում։ 2008 թվականին ընդունվել է  Լիճքի հիմնական դպրոց, որն ավարտել է 2017թվականին, ապա ուսումը շարունակել  Մարտունու բազմագործառութային քոլեջում: Հայոց բանակ էր զորակոչվել է 2021թվականի  գարնանը: Զոհվել է Գորիսի պաշտպանական դիրքերում՝ թշնամու ագրեսիան կասեցնելիս։

«Արթուրը շատ ուշիմ, խելացի ու ջանասեր երեխա էր, մեր սիրելի աշակերտներից մեկը։ Հայրենասիրական թեմաներով հաճախակի էր սրտառուչ շարադրություններ գրում, որտեղ ցանկություն էր հայտնում՝ լինել հայրենիքի զինվոր, պաշտպանել նրա սահմանները։ Ծառայության ընթացքում էլ միշտ շեշտում էր, որ շատ հպարտ է՝ հայ զինվորի համազգեստը կրելու, Հայաստանի սահմանների պաշտպանությանը մասնակցելու համար։ Ցավոք սրտի, Արթուրը զոհվեց հայրենիքի պաշտպանության դիրքերում, որով էլ մեր դպրոցն ունեցավ իր երրորդ զոհը Ադրբեջանի դեմ մղվող պատերազմներում։ Նրա անունն այլեւս գրվեց Արցախյան 44-օրյա պատերազմում հավերժացած հերոսներ Վիլգեմ Գեղամյանի եւ Արտյոմ Ավետիսյանի կողքին։ Լիճք գյուղը ցավով ու կսկիծով, սակայն հպարտությամբ դեպի հավերժություն հուղարկավորեց իր հերոս զավակին։ Նրա անունով դպրոցում կստեղծվի Փառքի անկյուն»,-ներկայացրեց Լիճքի հիմնական դպրոցի տնօրենը։