Ամանորը 70-ականներին եւ 2016-ին. համեմատական

Ամանորը եղել է կա եւ կմնա տարվա գլխավոր եւ ամենասպասված տոնը բոլորի համար։ Եվ միշտ էլ մարդիկ մեծ պատասխանատվությամբ են մոտեցել այս տոնին եւ ոգեւորությամբ սպասել դրան։ Իսկ ինչպես էին պատրաստվում Ամանորին 1970-ականներին եւ այսօր։ Ներկայացնում ենք մի քանի հետաքրքիր տարբերություն։ 

Ամանորը 70-ականներին

Սեպտեմբեր. պատրաստվում էինք Ամանորին՝ երեխաներին եւ հարազատներին նվերներ գնելով։

Հոկտեմբեր. սկսվում էր հազվադեպ հանդիպող եւ միայն ընտրյալներին հասանելի սննդատեսակների կամ հագուստների փնտրտուքը։

Նոյեմբեր. Գնում էին պահածոյացված մթերքները, լիմոնադը եւ այն ամենը, ինչը մինչեւ հունվար չէր փչանա։ Իհարկե, երեխաներից թաքցնում էինք կոնֆետները, որոնք նախատեսված էին եւ սեղանը, եւ տոնածառը զարդարելու համար։

Դեկտեմբեր. Կարում էինք զգեստներ նրանց համար, ում մասին մոռացել էինք սեպտեմբերին։ Մինչեւ դեկտեմբերի 20 ավարտում էինք տան մաքրման բոլոր աշխատանքները։

Դեկտեմբերի 20-ից պատրաստում էինք ամանորյա բացիկները։

Դեկտեմբերի 25-ին զարդարում էինք տոնածառը։

Դեկտեմբերի 27-ին տոնածառի բոլոր կոնֆետներն արդեն անհետացել էին. երեխաները 2 օրում կերել էին ամբողջը։

Դեկտեմբերի 28-30 գնում էինք մնացած մթերքները։

Դեկտեմբերի 31-ին ամբողջ օրը աղցաններ ենք պատրաստում, տապակում կամ եփում անհրաժեշտ բաղադրիչները։ Եվ արդեն սկսում էինք շնորհավորել բոլոր նրանց, ում հանդիպում էինք։

Երեկոյան դիտում էինք «Բաղնիքդ անուշ» ֆիլմը եւ աստիճանաբար զարդարում սեղանը։

23։50 ուշադրությամբ լսում էինք Կենտկոմի քարտուղարի ելույթը։

00։00 երազանք էինք պարում եւ մեծ ոգեւորությամբ դիմավորում Նոր տարին։

ԱՄԱՆՈՐԸ 2016-ին

Սեպտեմբերին. սկսում ենք մտածել՝ կարելի է այս տարի երկրից դուրս մեկնել

Հոկտեմբերին. հրաժարվում ենք այդ մտքից եւ սկսում ուսումնասիրել տեղի եւ առցանց խանութների առաջարկները։

Նոյեմբերին. սպասում ենք զեղչերի. երբեմն իզուր

Դեկտեմբերին. կրկին սկսվում ենք մտորումները Ամանորը դիմավորելու վայրի մասին։

Դեկտեմբերի 10-ից սկսում ենք դիետա պահել։

Դեկտեմբերի 15-ից սկսում ենք նվերներ գնել եւ ակնարկել, թե ինչ կցանկանայինք

ստանալ։

Դեկտեմբերի 25-ին  ընտրում ենք զգեստը։

Դեկտեմբերի 30-ին. գնում ենք տոնածառն ու անհրաժեշտ մթերքները։

Դեկտեմբերի 31-ին պատրաստում ենք ուտեստները։

23։50 լսում ենք նախագահի խոսքը։

00։00 երազանք ենք պահում, միմյանց շնորհավորում եւ վազում դուրս՝ հրավառություն դիտելու կամ կազմակերպելու։  

Կարծում ենք, որ երկու դեպքում, չնայած նախապատրաստական աշխատանքների տարբերություններին, Ամանորը դիմավորել ու դիմավորելու ենք բարձր տրամադրությամբ, մեծ հուզմունքով եւ երջանկությամբ։ 

 Աղբյուրը՝ NEWS.am STYLE