Ուշադիր եղեք բիոռիթմերին․ դեկտեմբերի 31-ին որ ժամին ինչ է պետք անել

ՖՈՏՈ 30 Դեկտեմբեր, 2015 7:55

Քրոնոբիոլոգիան բիոռիթմերի մասին գիտություն է, այն ասում է, որ հենց բիոռիթմերից է կախված այն, թե մարդ իրեն ինչպես կզգա,-տեղեկացնում է Past.am-ը։ Օրվա բիոռիթմերն են որոշում մարդու մարմնի ջերմաստիճանի տատանումները, ուղեղի ակտիվությունը եւ այլն։ Հենց այդ պատճառով էլ օրվա տարբեր ժամերի մենք միեւնույն բաները տարբեր ակտիվությամբ ենք անում։

Ահա դեկտեմբերի 31-ի բիոռիթմերը՝ ինչը՝ որ ժամին

Ժամը 7-ը

Ավիշների հոսքը դանդաղ է, հենց այս ժամին է ոմանց մոտ աչքերի տակ պարկեր առաջանում։ Դրա համար սա լավ ժամ է աչքերի շուրջը մերսելու համար։

Ժամը 8 -13-ը

Նյութափոխանակությունն ակտիվ է, եթե ցանկանում եք կոսմետոլոգի մոտ գնալ, իսկական ժամանակն է։

Ժամը 13-15-ը

Գործընթացները դանդաղում են, օրգանիզմի պաշտպանական մեխանիզմները թուլանում են։ Այդ ընթացքում կարող եք 15 րոպե քնել, հատկապես, որ Ամանորի գիշերը դժվար թե քնեք։

Ժամը 15-16-ը

Այս ընթացքում մկաններն անչափ ակտիվ են, այս ժամերին կարելի է մերսման գնալ, շոգեբաղնիք կամ լողավազան։

Ժամը 17-ը

Այս ժամից մինչեւ 21։00-ն դեմքը պատրաստ է ամեն տեսակ գործընթացների, կարող եք գնալ դեմքի մերսման, հետո էլ դիմահարդարում անել։

Ժամը 21-22-ը

Այս ընթացքում ավելի է մաշկի հետ կապված ոչինչ չանել։

Ժամը 22-23-ը

Այլ օր լավ կլիներ, որ արդեն պառկեիք քնելու, սակայն միայն ոչ Ամանորին։ Թեյ խմեք, լավ երաժշտություն լսեք ու պատրաստվեք հյուրեր ընդունելու։