Ողջ մնաց՝ ի հեճուկս․ ինչպես առանց ձեռքերի եւ ոտքերի տղամարդն ընտանիք ձեռք բերեց ու հաջողության հասավ (լուսանկարներ)

Past.am

Հաշմանդամ Ալեքսանդր Սոլոմեննիկին անվանում են ստավրապոլցի Նիկո Վույչիչ։ Նա ծնված օրից ապրել է մանկատանը։ Այս կենսախինդ ու հմայիչ տղան իր կենսասիրությամբ ապշեցնում է բոլորին։ 24 տարի առաջ Սաշային թողել են Զելենոկումսկի ծննդատանը։ Երբ բժիշկները տեսան նորածնին, համոզեցին 19-ամյա մորը, որ այսպիսի երեխաները երկար չեն ապրում։

Երբ չգիտեր հղիության մասին, աղջիկը գրիպից բուժվել էր հակաբիոտիկներով, ինչն էլ նման հետեւանքների է բերել, փոքրիկն առանց վերջույթների էր ծնվել։ 37-այա հորն ասել էին, որ երեխան մահացել է։ Տղամարդն, ասում են, երեխայի մահն անչափ ծանր է տարել։

Ի հեճուկս բժիշկների ու բոլորի՝ տղան ապրեց։ Նրան տարան մանկատուն։ Բժիշկները չգիտես ինչու ենթադրեցին, որ երեխան մտավոր հետամնաց է, եւ բացարձակ մտավորապես առողջ տղային տարան մտավոր հետամնացների մանկատուն։ Մի անգամ, մտնելով սոցկայք, տղան շնորհավորանք տեսավ մի աղջկանից, նույն իր ազգանունն ունեցող, սկզբում մտածեց՝ պարզապես նույն ազգանունն ունեն։

«Ես շոկի մեջ էի, երբ Ժենյան գրեց՝ ես քո քույրն եմ, քեզնից մի տարի փոքր։ Կներես, մենք չգիտեինք, որ դու ողջ ես․․․ հետո զանգեց մայրս, լացում էր, ներողություն էր խնդրում։ Ես էլ կատակում էի, թե այն աշխարհից եմ վերադարձել»,- պատմում է տղան։

Ալեքսանդրը արդեն բազմիցս գնացել է ընտանիքին տեսնելու, հիմա նա եղբայրներ ու քույրեր ունի, բազմաթիվ ընկերներ, հանգիստ դուրս է գալիս փողոց, շփվում մարդկանց հետ։

Այսօր, պատասխանելով երազանքի մասին, Ալեքսանդրն ասում է․ «Ես հաճախ եմ երազ տեսնում, որ ձեռքեր ու ոտքեր ունեմ, աշխատում եմ ուժային կառույցներում»։ Տղան բացառիկ տաղանդ ունի, նա բերանով նկարում է մակարոններով, դրանք ներկում։ Բացի այդ, հրաշալի երգում է, մասնակցել է մի քանի մրցույթների։ Երբ նա ելույթ է ունեցել, հանդիսատեսը կանգնած ծափահարել է, արցունքն աչքերին։