Որտեղ ոտքի վրա կենացը խմում ենք, ոնց որ թե հակառակ պրոցեսն է տեղի ունենում. Վարչապետը՝ ուսուցիչների, բանակի մասին

Կրթական ենթակառուցածքի նոր համակարգի հայեցակարգը Սյունիքի մարզի համար ամբողջությամբ պատրաստ է, և տվել եմ հանձնարարական՝ արդեն սկսել նախագծման աշխատանքները, շինարարության և ծրագրի իրականացման աշխատանքը: Այս մասին այսօր կառավարության հերթական նիստին ասաց ՀՀ վարչապետ Նիկոլ Փաշինյանը: Նա նշեց, որ խոսքը ոչ միայն դպրոցի կամ մանկապարտեզի կառուցման մասին է, այլ նաև տրանսպորտային ենթակառուցվածքների:

Նիկոլ Փաշինյանը նշեց, որ բարձրագույն կրթության ոլորտում մասշտաբային բարեփոխումներ են, դա  իրականացնելու քաղաքական որոշումը վաղուց են կայացրել, լոգիստիկայի հարցը պետք է որոշեն: «Հետագա զարգացման անկյունաքարային գործընթաց է»,- ասաց նա և նշեց, որ ուսոցիչների աշխատավարձերի փոփոխության նպատակն  է նաև, որ ուսուցչի աշախտանքի գրավչությունը բարձրացնեն:

«Մենք բոլորս բազմիցս հոտնկայս խմել ենք ուսուցիչների կենացը, սակայն իրականության մեջ մեր դպրոցներում ուսուցիչների թիվը պակասել է, ուսուցչի մասնագիտությամբ հետաքրքրվողների թիվը պակասել է և այսպես շարունակ: Նույնը, ինչը տեղի է ունեցել բանակում: Հետաքրքիր է՝ մենք որտեղ ոտքի վրա կենացը խմում ենք, իրականության մեջ ոնց որ թե հակառակ պրոցեսն է տեղի ունենում: Հիմա առաջարկում ենք այս պրոցեսը տրանսֆորմացնել և հիմա մենք զինվորական կրթության ոլորտում էլ շատ լուրջ բարեփոխումներ ենք նախատեսում»,- ասաց նա: