Եթե դուստր ունենայի՝ կուզեի քեզ պես լիներ, Էմմ ջան. հայ հայտնիներից ովքեր ու ինչպես են շնորհավորել Էմմին

Երգչուհի Էմմա Բեջանյանը՝ Էմմին երեկ նշել է իր 38–ամյակը: Երգչուհին ծնվել է Երևանում՝ խորհրդային ջազային երգչուհի Նադեժդա Սարգսյանի և ջազային դաշնակահար Դավիթ Բեջանյանի ընտանիքում։

Երգչուհու գործունեությունը սկսվել է այն բանից հետո, երբ նա 1990 թվականին ձայնագրել է իր առաջին «Հայաստան» երգը և թողարկել երգի հոլովակը։ 

Մի շարք հայ հայտնիներ շնորհավորել են երգչուհուն՝ ինստագրամյան իրենց էջերում տեղադրելով երգչուհու հետ լուսանկարներ և հոլովակներ:

Հաղորդավարուհի Նազենի Հովհաննիսյանը հոլովակ է տեղադրել և մակագրել. «Ով կմտածեր, որ մինուճար փոքրիկ աղջնակը, երես առած լինելու փոխարեն՝ կմեծանա բացառիկ մեծ սրտով ու անհավանական բարությամբ ու պատրաստակամությամբ՝ բոլորին օգնելու: Եթե դուստր ունենայի՝ կուզեի քեզ պես լիներ, Էմմ ջան, եթե քրոջ մասին երազեի՝ էլի քեզ նման կուզեի լիներ: Դու իմ՝ հախճապակե էությունն ես, քնքնշությունն ու քայլող սերը: Տղաներիդ սերը վայելես անմնացորդ ՝ ինչքան որ դու ես նրանց տալիս: Ծնունդդ շնորհավոր, քուրո ջան: Նադյայիս ու Դոդոյիս լավագույն ստեղծագործություն»:

Երգչուհի Անահիտ Սիմոնյանը սթորի բաժնում կիսվել է Էմիի լուսանկարով և կից գրել. «Ծնունդդ շնորհավոր Էմմիս: Իմ ճանաչած ամենապարզ ու բարի մարդկանցից ես դու: Անսահման երջանիկ լինես ու շատ առողջ քո սիրուն ընտանիքի հետ միասին»:

Համատեղ ելույթից հատվածով կիսվել է և շնորհավորել երգիչ և երգահան Արամ MP3-ն և կից գրել. «Շնորհավոր լինի ծնունդդ, պոզիտիվչիկ»:

Էմմիի երգի cover տարբերակով էլ շնորհավորել է Գարիկ Պապոյանը՝ տեղադրելով երգն ու լուսանկարը երգչուհու հետ և մակագրել. «Շնորհավոր, աչոն ջան»:

Նշենք նաև, որ երկարատև երաժշտական դադարից հետո ամիսներ առաջ Էմմին նոր գործիքավորմամբ ներկայացրել է «Կամուրջներ երգը»: 

Հիշեցնենք, որ երգչուհին մշտական բնակություն է հաստատել Միացյալ նահանգներում, որտեղ ամուսնու հետ մեծացնում է իրենց տղաներին՝ Դանիելին և Մարտինին: