ՀՀ ԱԺ նախագահ Գալուստ Սահակյանն ամանորյա նվերներ հանձնեց Գավառի մանկատան սաներին

Ամանորի եւ Սուրբ Ծննդյան տոների առիթով Գավառի մանկատան սաներին այցելեց ՀՀ Ազգային ժողովի նախագահ Գալուստ Սահակյանը: Նրան ուղեկցում էին Գեղարքունիքի մարզպետ Ռաֆիկ Գրիգորյանը, ՀՀ ԱԺ աշխատակազմի ղեկավար Հրայր Թովմասյանը, ՀՀ աշխատանքի եւ սոցիալական հարցերի նախարարության աշխատակազմի ղեկավար Արտակ Գրիգորյանը: Ազգային ժողովի նախագահը շրջայց կատարեց մանկատանը, զրուցեց մանկատան սաների հետ, ծանոթացավ  նրանց խնամքի եւ կենցաղային պայմ աններին:

Մանկատան սաները հյուրերին ողջունեցին «Ձյունե թագուհին» հեքիաթի բեմականացմամբ: Գալուստ Սահակյանը Գավառի մանկատան աշխատակիցների եւ սաների հետ կիսվեց իր տպավորություններով. «Երբ ժպտում են երեխաները, դա արդեն հպարտացնում  է մեզ: Հիմա մենք պետք է ոչ միայն մտածենք մակատան սաների մասին հոգ տանելու, այլ նաեւ նրանց հոգիները ջերմացնելու ուղղությամբ: Սա մի սերունդ է, որը գտնվում է պետության հոգածության ներքո, եւ ուզում եմ հավատացած լինել, որ տարիներ հետո այս երեխաները հասարակության մեջ կքայլեն հպարտորեն, իրենց տեղը գտած, կիրթ ու դաս տիարակված: Տպավորված եմ այս հաստատության պայմաններից, մանկատան սաների հագեցած առօրյայից, ուսման ու դաստիարակության դրվածքից, տնօրենի ու դաստիարակների աշխատանքից: Ես ուզում եմ, որ 2016 թվականն այս երեխաների, բոլորիս համար համար լինի հույսերի, կանաչ արահետներով լեցուն տարի»,-նշեց ՀՀ ԱԺ նախագահը: Այցի ավարտին ՀՀ ԱԺ նախագահ Գալուստ Սահակյանը եւ Գեղարքունիքի  մարզպետ Ռաֆիկ Գրիգորյանը Ամանորի եւ Սուրբ Ծննդյան տոների առթիվ նվերներ հանձնեցին Գավառի մանկատան սաներին:

Խոսրով Խլղաթյան