Օր 23. Ինչ է տեղի ունեցել վերջին ժամերին

Գերմանիայի կանցլեր Օլաֆ Շոլցը Twitter-ում գրել է. «Բացարձակապես անընդունելի է, որ Ռուսաստանից ներգաղթյալները մեր երկրում ենթարկվում են վիրավորանքի, նվաստացման կամ ֆիզիկական բռնության։ Որովհետև սա Պուտինի պատերազմն է։ Նա միայնակ է պատասխանատու ամեն ինչի համար»:
***

Զելենսկին բանտից ազատ է արձակվել «Տորնադո» գումարտակի անդամներին, որոնք հայտնի են Լուգանսկի շրջանի խաղաղ բնակիչների նկատմամբ իրենց դաժանությամբ. RT
***

ԵՄ երկրները կկորցնեն առնվազն 500 միլիարդ եվրո, եթե Ռուսաստանի հետ առևտուրը դադարեցվի, և ներդրումները փոխադարձ դուրս բերվեն, ասել է ՌԴ Առևտրաարդյունաբերական պալատի ղեկավար Սերգեյ Կատիրինը. ТАСС
***

Ռուսաստանի հարավային օդանավակայաններում գործող օդային երթևեկության սահմանափակումները երկարաձգվել են մինչև մարտի 26-ը. РИА новости
***

Պենտագոնի ներկայացուցիչը հայտարարել է ռուսական զորքերի կողմից Իզյումը գրավելու և Կիևին հրետանի մոտեցնելու մասին։
***

Ռուսաստանի նկատմամբ Արևմուտքի ատելության մակարդակն աննախադեպ է, ասել է Ասադը։
***

Հաղորդվում է ռուսական ուժերի վերահսկողության տակ գտնվող Մելիտոպոլի վրա «Տոչկա-Ու» հրթիռների կրկնակի հարվածի մասին։
Երկու հրթիռներն էլ խոցվել են հակաօդային պաշտպանության համակարգով։ Մի հրթիռի բեկորները վնասել են գազատարը, ինչի հետևանքով հրդեհ է բռնկվել։ Երկրորդն ընկել է բնակելի թաղամասից դուրս։
***

Ուկրաինայի նախագահ Վլադիմիր Զելենսկին գերությունից ազատված Մելիտոպոլի քաղաքապետ Իվան Ֆեդորովին պարգևատրել է Արիության III աստիճանի շքանշանով:
***

ԱՄՆ նախագահ Բայդենը կոշտացնում է Ռուսաստանի նախագահ Պուտինի նկատմամբ հռետորաբանությունը:
Երեկ նա նրան անվանել է «ռազմական հանցագործ», իսկ այսօր արդեն՝ «արյունոտ բռնապետ» և «ամենամաքուր ավազակ».
«Այժմ Իռլանդիան, Մեծ Բրիտանիան կանգնած են արյունոտ բռնապետի դեմ, ամենամաքուր ավազակի, ով անբարոյական պատերազմ է մղում Ուկրաինայի ժողովրդի դեմ»։
***

Յոթնյակի արտգործնախարարների խումբը համաձայնել է ավելացնել Ուկրաինային մարդասիրական օգնությունը և կոչ է արել մյուս երկրներին ևս դա անել։
***

ԱՄՆ նախագահ Ջո Բայդենը հայտարարել է, որ «անմարդկային» է համարում ռուսական զորքերի գործողությունները Ուկրաինայի տարածքում և կոչ է արել Արևմուտքին միասնություն ցուցաբերել:
***

Եվրախորհրդի Նախարարների կոմիտեն կդադարեցնի բոլոր հարաբերությունները Բելառուսի հետ՝ Ուկրաինայի շուրջ ստեղծված իրավիճակի պատճառով։
***

Ռուսական առցանց խանութներում Samsung-ի սարքավորումների հանրաճանաչ մոդելները 3 շաբաթվա ընթացքում թանկացել են 12-42%-ով, ամենավաճառվող Xiaomi հեռախոսները՝ 12-24%-ով, ցույց է տվել price.ru-ի ուսումնասիրությունը․ գրում է ՌԻԱ Նովոստին։
***

Սպիտակ տունը նախազգուշացրել է, որ ուկրաինական իրադարձությունների ֆոնին Չինաստանի ցանկացած օգնություն Ռուսաստանին «հետևանք կունենա», սակայն ձեռնպահ է մնացել պատժամիջոցների սպառնալիքից։
***

Նեբենզյա. «Ռուսաստանը դեռ չեղարկում է ՄԱԿ-ի Անվտանգության խորհրդում Ուկրաինայի վերաբերյալ իր մարդասիրական բանաձևի քվեարկությունը. Արևմուտքը ստիպում է գործընկերներին չաջակցել բանաձևին»։
***
Ռուսաստանցի մարզիկներին թույլ չեն տա մասնակցել 2022 թվականին կայանալիք թեթև ատլետիկայի հեղինակավոր «Ադամանդե լիգային» (Diamond League), որն ընթանալու է աշխարհի 13 քաղաքներում՝ Դոհա, Լոնդոն, Յուջին, Ռաբատ, Հռոմ, Օսլո, Փարիզ, Ստոկհելմ, Շանհայ, Շենժեն, Մոնակո, Լոզանա, Բրյուսել և եզրափակիչը՝ Ցյուրիխում: