Գոլորշի ծխի փոխարեն․ IQOS-ը նվազեցնում է վնասակար նյութերի ազդեցությունը՝ FDA

Մարտի 11-ին ԱՄՆ-ի Սննդամթերքի ու դեղորայքի վարչությունը IQOS 3 սարքը ճանաչեց մոդիֆիկացված ռիսկով ծխախոտային արտադրատեսակ։ Գործակալությունը հաստատեց, որ IQOS-ը տաքացնում է ծխախոտը՝ այն այրելու փոխարեն, հաստատեց, որ սարքը զգալիորեն նվազեցնում է վնասակար քիմիական նյութերի արտազատումը և, որ ծխողների համար երևի թե ամենակարևորն է, հաստատեց, որ սիգարետից IQOS-ի ամբողջական անցումը զգալիորեն նվազեցնում է օրգանիզմի վրա վնասակար նյութերի ազդեցությունը։ Ի՞նչ է սա նշանակում․

Առաջին հայտարարությունը․ IQOS-ը չի այրում ծխախոտը, այլ տաքացնում է այն։ Հայտնի է, որ ծխելու հետ կապված հիվանդությունները առաջանում են ոչ թե նիկոտինից, այլ այրման արդյունքում առաջացած թունավոր նյութերից, որոնք ծխի հետ մտնում են օրգանիզմ։ Ամերիկայի FDA-ը հաստատել է, որ IQOS-ի դեպքում չկա այրում, հետևաբար՝ չկա նաև ծուխ։ Այսինքն, նիկոտինը մարդու օրգանիզմ է մտնում ոչ թե ծխի, այլ գոլորշու միջոցով։

Երկրորդ հայտարարությունը՝ IQOS-ը զգալիորեն նվազեցնում է վնասակար նյութերի արտադրությունը։ Սա ուղիղ կապ ունի մարդու առողջության հետ, քանի որ ըստ ԱՄՆ FDA-ի, սիգարետի համեմատ այստեղ վնասակար նյութերի մակարդակը զգալիորեն ավելի քիչ է։ Փաստորեն, IQOS օգտագործելիս մարդու օրգանիզմ արդեն չի ներթափանցում թունավոր նյութերի մեծամասնությունը։

Երրորդ հայտարարությունը՝ ամբողջությամբ IQOS-ին անցում կատարելիս զգալիորեն նվազում է օրգանիզմի վրա վնասակար նյութերի ազդեցությունը։ Եթե դուք ծխող եք ու սիգարետից ամբողջությամբ անցնում եք IQOS-ի օգտագործմանը, ըստ ԱՄՆ FDA-ի ձեր օրգանիզմի վրա վնասակար նյութերի ազդեցությունը կլինի զգալիորեն ավելի քիչ։ Առողջական ռիսկերի տեսանկյունից սա նշանակում է, որ IQOS-ը շատ ավելի քիչ է վնասում օրգանիզմին, քան սիգարետը։

Հիշեցնենք, որ FDA-ը՝ Ամերիկայի սննդամթերքի ու դեղորայքի վարչությունը, երկրում ամենահեղինակավոր առողջապահական կառույցներից մեկն է։ FDA-ը ունի բազմաթիվ լաբորատորիաներ, որտեղ կարողանում է ստուգել ու գնահատել ԱՄՆ-ում արտադրված կամ ներմուծվող սննդամթերքը, դեղորայքը և այլ ապրանքներ։ IQOS-ին վերաբերվող անկախ հետազոտություն իրականացնելու համար FDA-ը ծախսել է 4 տարի: