«Թուրքերն ինձ պաշտում են». ռուս կինը բողոքել է իրենց տղամարդկանցից

Մոսկվայից մի դիզայներ մեկնել է Ստամբուլ և պատմել տեղի տղամարդկանց հետ իր հարաբերությունների մասին։ Ռուսաստանում աղջիկն արդեն ամուսնացած է եղել և հուսահատորեն փորձում էր զուգընկեր գտնել, բայց չէր ստացվում հարաբերություններ հաստատել: Որոշ տղամարդիկ չարդարացրին սպասելիքները, իսկ մյուսները հարաբերություններ էին փնտրում ավելի երիտասարդ զուգընկերուհիների հետ: Նա կիսվել է իր մտքերով Yandex.Zen հարթակի բլոգում:

«Ես ձմռանը թռա Ստամբուլ, որոշեցի հանգստանալ վատ եղանակից, ընկերներիս հետս չէի տարել, քանի որ ծրագրում էի աշխատել տնից, բայց դեմ չէի ծանոթանալ տղամարդու հետ: Ռուսաստանում ես անտեսանելի եմ հակառակ սեռի համար, իսկ թուրքերն ուղղակի պաշտում են ինձ: Գրանցվաել եմ Tinder-ում, բոլորը հրավիրում են ժամադրության, հրավիրում են ռեստորաններ ու զբոսանքների։ Հոգատարության մակարդակը բոլորովին այլ է։

Աղջիկը նշել է, որ խոսքը կարծրատիպային տղամարդկանց մասին չէ, ովքեր ցանկանում են գոնե մեկի հետ ծանոթանալ։ Բոլոր պոտենցիալ զուգընկերները, ովքեր արձագանքել են, նրան պարկեշտ են թվացել:

«Նրանք բավականին հաջողակ տղամարդիկ էին, մեկը աշխատում է որպես խոհարար, մյուսը երաժշտությամբ է զբաղվում, երրորդը բանկի աշխատակից է: Ես շատ սրտեր ունեմ թուրքական Tinder-ում, բայց ռուսականում` զրո»,- գրել է նա:

Ավելի ուշ զբոսաշրջիկը գնացել է մի քանի ժամադրության և իր պատմությունը լրացրել տղամարդկանց համեմատական ​​նկարագրությամբ։ Պարզվել է, որ թուրքերը շատ ավելի քիչ պահպանողական են, քան կարող է թվալ, լավ խնամված են և գիտեն ինչպես հաճոյախոսել կնոջը:

«Թուրքերը շատ խանդավառ են և բոլորովին այն չեն, ինչ մենք պատկերացնում ենք: Ես կարծում էի, որ նրանք ավանդական արժեքների ջատագովներ կլինեն, բայց շատերը կյանքին նայում են միանգամայն անլուրջ: Օրինակ, նրանք չեն ցանկանում ամուսնանալ մինչև միջին տարիք: Ես դրա մեջ իմաստ եմ տեսնում, քանի որ իմ առաջին ամուսնությունը վաղ էր և անհաջող ավարտվեց, քանի որ երկուսս էլ հիմար էինք»,- նշել է նա։

Աղջիկը նաև ասել  է, որ թուրքերը շատ ավելի քիչ են նայում ձեր տարիքին և քաշին, մինչդեռ քաղաքում ռուս աղջիկները նկատելիորեն աչքի են ընկնում։ Նրանք ավելի շատ են խնամում իրենց և ավելի շատ են շպարվում՝ միևնույն ժամանակ գռեհիկ տեսք չունենալով։